ચેન્નઈ: અભિનેતા પરથી રાજકારણી બનેલા વિજયે તમિલનાડુના નવા મુખ્યમંત્રી તરીકે શપથ લીધા છે. TVK પાર્ટીના વડા વિજયે તમિલ ભાષામાં શપથ લીધા, પરંતુ શપથ દરમિયાન તેઓ નિર્ધારિત લખાણ સિવાય ભાષણ આપવા લાગતા રાજ્યપાલ આર.એન. અર્લેકરે તેમને રોક્યા અને માત્ર શપથપત્રમાં લખેલી લાઈન વાંચવા જણાવ્યું. ત્યારબાદ વિજયે શાંતિથી શપથ પૂર્ણ કર્યા.

વિજય સાથે તેમના મંત્રીમંડળના 9 મંત્રીઓએ પણ શપથ લીધા. TVKએ પ્રથમ જ વિધાનસભા ચૂંટણીમાં 108 બેઠકો જીતી હતી અને સાથી પક્ષોના સમર્થન સાથે બહુમતીનો આંકડો પાર કર્યો છે. ખાસ વાત એ છે કે તમિલનાડુમાં લગભગ 60 વર્ષ બાદ કોઈ બિન-દ્રવિડ પક્ષનો મુખ્યમંત્રી બન્યો છે.

શપથ લીધા બાદ વિજયે 200 યુનિટ મફત વીજળી આપવાના વચન સંબંધિત પ્રથમ ફાઈલ પર સહી કરીને સરકારની શરૂઆત કરી.