આણંદ: આણંદ શહેરમાં ટ્રાફિક નિયમોના ખુલ્લેઆમ ભંગનો વીડિયો સોશિયલ મીડિયા પર વાયરલ થયો છે. ગણેશ ચોકડીથી ચિખોદરા ચોકડી તરફ જતા મુખ્ય માર્ગ પર એક યુવક કારના ટોપ પર બેસીને જોખમી સ્ટંટ કરતો જોવા મળ્યો હતો. વ્યસ્ત માર્ગ પર જીવને જોખમમાં મૂકી કરવામાં આવેલા આ સ્ટંટને કારણે લોકોમાં ભારે રોષ ફેલાયો છે.

મુખ્ય માર્ગ પર જીવલેણ સ્ટંટનો વીડિયો વાયરલ

વીડિયોમાં યુવક કારના ટોપ પર બેસીને સ્ટંટ કરતો નજરે પડે છે, જે સામાન્ય વાહન વ્યવહાર માટે અત્યંત જોખમી છે. ગણેશ ચોકડીથી ચિખોદરા ચોકડી વચ્ચેના માર્ગ પર બનેલી આ ઘટના સોશિયલ મીડિયામાં ઝડપથી વાયરલ થઈ છે.

લોકોમાં રોષ, પોલીસ કાર્યવાહીની માગ

ટ્રાફિક નિયમોના ખુલ્લેઆમ ભંગને કારણે સ્થાનિક લોકોમાં રોષ જોવા મળી રહ્યો છે. સોશિયલ મીડિયા પર પણ આ ઘટના અંગે ભારે ચર્ચા ચાલી રહી છે.

હવે પોલીસ આ મામલે શું કાર્યવાહી કરે છે તેના પર સૌની નજર ટકેલી છે.