સુરત સુરતના પાસોદરા ગઢપુર રોડ પર સર્જન લક્ઝરીયા સામે ગંભીર અકસ્માતની ઘટના સામે આવી છે. રત્નકલાકાર બાઈક પર જઈ રહ્યા હતા ત્યારે અચાનક બાઈક પરથી કાબુ ગુમાવતા તેઓ ટ્રક નીચે આવી ગયા હતા.

મૃતકની ઓળખ 36 વર્ષીય મયુરભાઈ બાબુભાઈ ગાબાણી તરીકે થઈ છે. અકસ્માત બાદ ટ્રક ચાલક ટ્રક મુકીને સ્થળ પરથી ફરાર થઈ ગયો હોવાનું જાણવા મળ્યું છે.

ઘટનાની જાણ થતાં લસકાણા પોલીસ ઘટના સ્થળે પહોંચી હતી અને મૃતદેહને પોસ્ટમોર્ટમ માટે ખસેડી વધુ તપાસ હાથ ધરી છે.