ગાંધીનગર ગાંધીનગર ખાતે ધોળાકુવા નજીક કાલે રાત્રે એક ગંભીર અકસ્માત સર્જાયો હતો. અતિઝડપે દોડતી કાર ચાલકે રસ્તા પરથી પસાર થતા એક રાહદારીને જોરદાર ટક્કર મારી હતી. ટક્કર એટલી જોરદાર હતી કે રાહદારી રોડ પર પછડાતા તેનું ઘટના સ્થળે જ મોત થયું હતું.

અકસ્માત બાદ આસપાસના લોકો તરત જ ઘટના સ્થળે દોડી આવ્યા હતા અને 108ને જાણ કરવામાં આવી હતી. જોકે, હોસ્પિટલ લઈ જવા પહેલા જ રાહદારીનું મોત નિપજ્યું હતું.

આ બનાવથી મૃતકના પરિવારમાં શોકની લાગણી ફેલાઈ ગઈ છે. પરિવાર દ્વારા આરોપી સામે કડક કાર્યવાહી કરવાની માંગ ઉઠાવવામાં આવી છે.

ઘટનાની જાણ થતાં જ પોલીસ ઘટના સ્થળે પહોંચી હતી અને કાર ચાલક સામે ગુનો નોંધી આગળની તપાસ હાથ ધરી છે. આ બનાવને લઈને સ્થાનિકોમાં રોષની લાગણી જોવા મળી રહી છે.