RBIની પોલિમર નોટ યોજના પર મોટી ચર્ચા

ભારતીય રિઝર્વ બેંક (RBI) દેશમાં ‘પોલિમર નોટો’ એટલે કે પ્લાસ્ટિક નોટો રજૂ કરવાની દિશામાં મહત્વપૂર્ણ પગલાં લઈ રહી છે. મળતી માહિતી મુજબ, RBI ટૂંક સમયમાં આ માટે પાયલોટ પ્રોજેક્ટ શરૂ કરી શકે છે.

વધુ મજબૂત અને પાણીપ્રૂફ નોટોની તૈયારી

આ નવી પોલિમર નોટો હાલની કાગળની નોટોની સરખામણીએ વધુ મજબૂત, ટકાઉ અને પાણીપ્રૂફ હશે. પાણીમાં ભીંજાય તો પણ આ નોટો ન ફાટશે કે ન ઓગળશે.

આ કારણે નોટોની આયુષ્યમાં વધારો થશે અને સરકારના છાપકામ ખર્ચમાં ઘટાડો થવાની શક્યતા છે.

RBI બોર્ડ મીટિંગમાં ચર્ચા

તાજેતરમાં યોજાયેલી RBI બોર્ડ મીટિંગ્સમાં આ યોજનાને લઈને વિગતવાર ચર્ચા કરવામાં આવી હોવાનું જાણવા મળ્યું છે. જોકે, હજુ સુધી આ અંગે સત્તાવાર જાહેરાત કરવામાં આવી નથી.

2012ની જૂની યોજના ફરી જીવંત

નોંધનીય છે કે વર્ષ 2012માં પણ પોલિમર નોટો રજૂ કરવાની યોજના બનાવાઈ હતી, પરંતુ તે સમયે કેટલીક તકનીકી મુશ્કેલીઓના કારણે પ્રોજેક્ટ અટકી ગયો હતો.

હવે સુધારેલી ટેકનોલોજી અને અપડેટેડ ATM સિસ્ટમને ધ્યાનમાં રાખીને RBI ફરી આ યોજના આગળ વધારવાની તૈયારીમાં છે.

ડિજિટલ પેમેન્ટ સાથે રોકડની માંગમાં વધારો

એક તરફ દેશમાં ડિજિટલ પેમેન્ટનો ઉપયોગ ઝડપથી વધી રહ્યો છે, તો બીજી તરફ રોકડની માંગમાં પણ સતત વધારો જોવા મળી રહ્યો છે.

15 મે 2026 સુધી દેશમાં ચલણમાં રહેલી કુલ કરન્સી ₹42.86 લાખ કરોડ સુધી પહોંચી ગઈ છે, જે ગયા વર્ષની સરખામણીએ અંદાજે 11.5 ટકા વધુ છે.

RBIની સત્તાવાર જાહેરાત પર

હવે સૌની નજર RBIની સત્તાવાર જાહેરાત અને દેશમાં પ્લાસ્ટિક નોટોના સંભવિત લોન્ચ પર ટકી છે.