વડાપ્રધાન નરેન્દ્ર મોદી આજે ગુજરાતના એક દિવસીય પ્રવાસે વ્યસ્ત કાર્યક્રમો સાથે હાજરી આપી રહ્યા છે. તેમના દિવસની શરૂઆત સવારે 9:45 વાગ્યે અમદાવાદ એરપોર્ટ પર આગમનથી થશે.

એરપોર્ટ પરથી વડાપ્રધાન સીધા રોડ માર્ગે કોબા જૈન તીર્થ જવા માટે રવાના થશે. સવારે 10:00 થી 11:45 દરમિયાન તેઓ કોબા ખાતે યોજાનારા ધાર્મિક અને સાંસ્કૃતિક કાર્યક્રમમાં હાજરી આપશે.

ત્યારબાદ 11:50 વાગ્યે વડાપ્રધાન કોબાથી સચિવાલય તરફ રવાના થશે અને બપોરે 12:00 વાગ્યે ત્યાંથી હેલિકોપ્ટર દ્વારા સાણંદ જવા નીકળશે. તેઓ બપોરે 12:30 વાગ્યે સાણંદ પહોંચશે અને 12:45 થી 2:15 સુધી વિવિધ વિકાસકાર્યો સંબંધિત કાર્યક્રમોમાં હાજરી આપશે.

બપોરે 2:20 વાગ્યે વડાપ્રધાન સાણંદથી હેલિકોપ્ટર દ્વારા ફરી અમદાવાદ તરફ રવાના થશે. તેઓ 2:55 વાગ્યે અમદાવાદ એરપોર્ટ પહોંચ્યા બાદ વિશેષ વિમાન દ્વારા ડીસા જવા માટે ઉડાન ભરે છે.

ડીસા ખાતે વડાપ્રધાન 3:40 વાગ્યે પહોંચશે અને સાંજે 4:00 થી 5:00 દરમિયાન જાહેર કાર્યક્રમમાં હાજરી આપશે. ત્યારબાદ 5:20 વાગ્યે તેઓ ડીસાથી રવાના થશે.

આ દિવસના તમામ કાર્યક્રમો પૂર્ણ કર્યા બાદ વડાપ્રધાન મોદી સીધા આસામ તરફ જવા માટે પ્રસ્થાન કરશે. તેમના આ વ્યસ્ત શેડ્યૂલને લઈને રાજ્યભરમાં સુરક્ષા અને વહીવટી તંત્ર દ્વારા વિશેષ વ્યવસ્થાઓ ગોઠવવામાં આવી છે.