દ્વારકા: ઓખામઢી નજીક દરિયામાં SOG પોલીસે મોટી કાર્યવાહી કરીને ગેરકાયદેસર ‘લાઇન ફિશિંગ’ કરતી કુલ 55 માછીમારી બોટોને ઝડપી પાડી હતી. ઓખામઢીથી અંદાજે 8 નોટિકલ માઈલ દૂર દરિયામાં ચાલતી આ ગેરકાયદેસર પ્રવૃત્તિ સામે પોલીસે લાલ આંખ કરી કડક કાર્યવાહી હાથ ધરી છે.

તપાસ દરમિયાન સામે આવ્યું કે વધુ માછલીઓ પકડવાની લાલચે બોટ માલિકોના કહેવાથી ટંડેલો દ્વારા લાઇન ફિશિંગ કરવામાં આવતી હતી, જે સમુદ્રી નિયમોના ઉલ્લંઘન સમાન છે. આ પ્રકારની પદ્ધતિથી સમુદ્રી સંપત્તિને નુકસાન થતું હોવાનું પણ અધિકારીઓએ જણાવ્યું.

પોલીસે ફિશરીઝ એક્ટ 2025ના નિયમ 43 મુજબ તમામ બોટો વિરુદ્ધ કાયદેસરની કાર્યવાહી હાથ ધરી છે. સાથે જ માછીમારોને નિયમોનું પાલન કરવા ચેતવણી આપવામાં આવી છે.

આ કાર્યવાહી બાદ દરિયાઈ પટ્ટી પર ગેરકાયદેસર માછીમારી કરતા તત્વોમાં ભારે ફફડાટ ફેલાયો છે અને આવનારા સમયમાં આવી જ વધુ કડક કામગીરી ચાલુ રહેશે તેવી સંકેત પણ આપવામાં આવ્યા છે.