સુરત: સુરત શહેરમાં આજે વાઈબ્રન્ટ ગુજરાત રીજનલ કોન્ફરન્સ (દક્ષિણ ઝોન)નું ભવ્ય ઉદ્ઘાટન કરવામાં આવ્યું. આ કાર્યક્રમમાં મુખ્યમંત્રી ભૂપેન્દ્ર પટેલ, કેન્દ્રીય મંત્રી હરદીપ સિંહ પુરી અને સી.આર. પાટીલ સહિત અન્ય મંત્રીઓ હાજર રહ્યા હતા.

આ કોન્ફરન્સ દ્વારા દક્ષિણ ગુજરાતના વિકાસને નવી દિશા મળશે તેવી અપેક્ષા વ્યક્ત કરવામાં આવી છે. રાજ્ય સરકારની સ્પષ્ટ નીતિઓ અને મજબૂત અમલીકરણ ક્ષમતાના કારણે ગુજરાત ઉદ્યોગ, ઇન્ફ્રાસ્ટ્રક્ચર અને સર્વસમાવેશક વિકાસના માર્ગે સતત આગળ વધી રહ્યું છે.

કાર્યક્રમ દરમિયાન અનેક મહત્વપૂર્ણ MoU સાઇન કરવામાં આવ્યા, જેના કારણે રોકાણ, નવીનતા અને રોજગારીના ક્ષેત્રમાં વધુ ગતિ મળશે.

આ કોન્ફરન્સ ગુજરાતને દક્ષિણ ઝોનમાં વિકાસ અને પ્રગતિના કેન્દ્ર તરીકે મજબૂત બનાવશે તેવી આશા વ્યક્ત કરવામાં આવી છે.