સુરત: સુરત શહેરના પુણા વિસ્તારમાં માનવતાને શરમાવે તેવી હત્યાની ઘટના સામે આવી છે. પતિએ પોતાની પત્નીની નિર્દયતાથી હત્યા કરતા વિસ્તારમાં ચકચાર મચી ગઈ છે. મળતી માહિતી મુજબ આરોપી અભિમાનચંદ્ર પટેલે પત્ની રેણુ સાથે ધાકધમકીથી લગ્ન કર્યા બાદ તેને સુરત લાવી રૂમમાં બંધક બનાવી રાખી હતી.

આરોપી પતિ રોજ પત્નીને ઢોર માર મારતો હોવાનું સામે આવ્યું છે. સતત અત્યાચાર બાદ આખરે તેણે પત્નીની ઘાતકી હત્યા કરી નાખી હતી. મૃતકના શરીર પર કાળા-લાલ ચકામા તેમજ ગંભીર ઈજાઓના નિશાન મળી આવ્યા છે, જે ક્રૂરતાની સાબિતી આપે છે.

ઘટનાની જાણ થતાં ઉત્તર પ્રદેશથી દોડી આવેલી મૃતકની માતાએ જમાઈ વિરુદ્ધ પુણા પોલીસ સ્ટેશનમાં ફરિયાદ નોંધાવી હતી. ફરિયાદના આધારે પુણા પોલીસે હત્યાનો ગુનો દાખલ કરી આરોપી પતિ અભિમાનચંદ્ર પટેલની ધરપકડ કરી આગળની કાયદેસરની કાર્યવાહી હાથ ધરી છે.