ગુજરાતમાં ઉનાળાની શરૂઆત સાથે હવામાનમાં મોટો ફેરફાર જોવા મળ્યો છે. હવામાન વિભાગે રાજ્યના વિવિધ વિસ્તારોમાં માવઠાની આગાહી કરી છે. એપ્રિલની શરૂઆતમાં જ વેસ્ટર્ન ડિસ્ટર્બન્સ અને સાયક્લોનિક સર્ક્યુલેશન સક્રિય થતા વાતાવરણમાં પલટો આવવાની શક્યતા છે. ખાસ કરીને 2 અને 3 એપ્રિલે રાજ્યના અનેક જિલ્લાઓમાં ગાજવીજ સાથે વરસાદી માહોલ જોવા મળશે.

વેસ્ટર્ન ડિસ્ટર્બન્સથી પલટાશે વાતાવરણ
હવામાન વિભાગની નાઉકાસ્ટ મુજબ, ઉત્તર ગુજરાત અને કચ્છમાં મધ્યમથી ભારે વરસાદ પડી શકે છે. માછીમારોને દરિયાઈ ક્ષેત્રમાં જતાં સાવચેતી રાખવાની સલાહ આપવામાં આવી છે. રાજ્યમાં તાપમાન 36–38 ડિગ્રીની વચ્ચે રહેવાની ધારણા છે, જેના કારણે હળવા પવન સાથે ગાજવીજ અને વરસાદી માહોલ રહેશે.

વિસ્તારો અને તારીખ મુજબ આગાહી

• 2 એપ્રિલ: કચ્છ, બનાસકાંઠા, સાબરકાંઠા, પાટણ, મહેસાણા, અમરેલી અને ભાવનગરમાં ગાજવીજ સાથે વરસાદ. દક્ષિણ ગુજરાતમાં સુરત, નવસારી, ડાંગ, વલસાડ, તાપી અને નર્મદામાં પણ વાદળછાયું વાતાવરણ સાથે વરસાદ.
• 3 એપ્રિલ: ઉત્તર ગુજરાતના તમામ મુખ્ય જિલ્લાઓ અને કચ્છ-સૌરાષ્ટ્રમાં વરસાદ યથાવત રહેશે.
• 4 એપ્રિલ: બનાસકાંઠા, સાબરકાંઠા, અરવલ્લી, મહિસાગર અને દક્ષિણ ગુજરાતના વલસાડ, દાદરા નગર હવેલીમાં હળવો વરસાદની સંભાવના.

અમદાવાદમાં વાદળછાયું વાતાવરણ
ગાંધીનગર અને અમદાવાદમાં પણ વાતાવરણમાં પલટો જોવા મળશે. વાદળછાયા માહોલ સાથે ઉકળાટમાં વધારો થશે. ઉત્તર ગુજરાતના ખેડૂતોને પોતાના પાકને સુરક્ષિત રાખવા માટે સાવચેતી રાખવાની સૂચના આપવામાં આવી છે, કેમકે કમોસમી વરસાદથી કાપવાળા પાકને નુકસાન થવાની શક્યતા છે.

આવે દિવસોમાં રાજ્યભરમાં વરસાદી માહોલ, ગાજવીજ અને હળવા પવન સાથે માવઠો ખેડૂતો અને નાગરિકો બંને માટે પડકારરૂપ બની શકે છે.