ન્યૂ ચંડીગઢ: IPL 2026ના બીજા ક્વોલિફાયર મુકાબલામાં Gujarat Titans એ શાનદાર પ્રદર્શન કરતાં Rajasthan Royals ને 7 વિકેટે હરાવી ફાઇનલમાં જગ્યા બનાવી લીધી છે. રાજસ્થાને આપેલા 215 રનના વિશાળ લક્ષ્યનો ગુજરાતે માત્ર 18.4 ઓવરમાં 3 વિકેટ ગુમાવી સફળ પીછો કર્યો હતો.

આ જીત સાથે ગુજરાત ટાઇટન્સે IPL પ્લેઓફ ઇતિહાસમાં સૌથી મોટો રનચેઝ કરવાનો નવો રેકોર્ડ પોતાના નામે કર્યો છે. અગાઉ આ રેકોર્ડ Punjab Kings ના નામે હતો, જેણે IPL 2025ના બીજા ક્વોલિફાયરમાં 204 રનનો લક્ષ્યાંક હાંસલ કર્યો હતો.

ગુજરાતની શરૂઆત ધમાકેદાર રહી હતી. કેપ્ટન Shubman Gill અને Sai Sudharsan એ પ્રથમ વિકેટ માટે 12.5 ઓવરમાં 167 રનની વિશાળ ભાગીદારી નોંધાવી મેચનો રંગ જ બદલી નાખ્યો હતો. સાઈ સુદર્શનએ 32 બોલમાં 58 રનની આક્રમક ઇનિંગ્સ રમી હતી, જેમાં 8 ચોગ્ગા અને 1 છગ્ગો સામેલ હતો.

બીજી તરફ કેપ્ટન શુભમન ગિલે રાજસ્થાનના બોલરોની ધૂળધાણી કાઢી નાખી હતી. ગિલે માત્ર 53 બોલમાં 15 ચોગ્ગા અને 3 છગ્ગાની મદદથી 104 રનની શતકીય ઇનિંગ્સ રમી હતી. IPL પ્લેઓફમાં સદી ફટકારનાર તેઓ પ્રથમ કેપ્ટન બન્યા છે.

અંતિમ તબક્કામાં Jos Buttler 9 રને અણનમ રહ્યા હતા, જ્યારે Washington Sundar એ 16 રનનું યોગદાન આપ્યું હતું. Rahul Tewatia એ 17 રનની ઝડપી ઇનિંગ્સ રમી ટીમને જીત અપાવી હતી.

તે પહેલાં બેટિંગ કરતાં રાજસ્થાન રોયલ્સે 20 ઓવરમાં 6 વિકેટે 214 રનનો મજબૂત સ્કોર ઉભો કર્યો હતો. યુવા બેટ્સમેન Vaibhav Suryavanshi એ 47 બોલમાં 96 રનની વિસ્ફોટક ઇનિંગ્સ રમી હતી. તેમની ઇનિંગ્સમાં 8 ચોગ્ગા અને 7 ગગનચુંબી છગ્ગા સામેલ હતા.

જોકે Yashasvi Jaiswal માત્ર 1 રન બનાવી આઉટ થયા હતા, જ્યારે Dhruv Jurel 7 રન કરીને પેવેલિયન પરત ફર્યા હતા. Ravindra Jadeja એ 35 બોલમાં અણનમ 45 રન બનાવ્યા હતા. અંતિમ ઓવરોમાં Donovan Ferreira એ માત્ર 11 બોલમાં અણનમ 38 રનની વિસ્ફોટક ઇનિંગ્સ રમી રાજસ્થાનને 214 રન સુધી પહોંચાડ્યું હતું.

પરંતુ શુભમન ગિલ અને સાઈ સુદર્શનની તોફાની બેટિંગ સામે રાજસ્થાનનો વિશાળ સ્કોર પણ નાનો સાબિત થયો અને ગુજરાત ટાઇટન્સે IPL પ્લેઓફ ઇતિહાસનો સૌથી મોટો રનચેઝ કરીને યાદગાર જીત નોંધાવી હતી.