CMO Bomb Threat: ગાંધીનગરમાં સ્વર્ણિમ સંકુલ-1માં આવેલા મુખ્યમંત્રી કાર્યાલયને બોમ્બથી ઉડાવી દેવાની ધમકી મળી છે. ત્યારે આ ઇમેઇલ આવતાંની સાથે જ સુરક્ષા એજન્સીઓ સતર્ક થઈ ગઈ છે અને ચાંપતો બંદોબસ્ત ગોઠવી દેવામાં આવ્યો છે.

આ સાથે અમદાવાદ મહાનગરપાલિકાને પણ બોમ્બથી ઉડાવવાની ધમકી આપવામાં આવી છે. અજાણ્યા મેઇલ આઇડી પરથી મેઇલ આવ્યો હતો જેમાં બોમ્બથી ઉડાવી દેવાની ધમકી આપવામાં આવી છે. ત્યારે સાવચેતીના ભાગરૂપે સમગ્ર પરિસરમાં ચાંપતો પોલીસ બંદોબસ્ત ગોઠવી દેવામાં આવ્યો છે. આ ઉપરાંત અલગ અલગ સુરક્ષા એજન્સીઓ કામે લાગી ગઈ છે.