ગાંધીનગર: ગુજરાતના રાજ્યપાલે એક મહત્વપૂર્ણ નિર્ણય લેતાં હવે સરકારી હેલિકોપ્ટરનો ઉપયોગ ઘટાડીને ટ્રેન અને બસ જેવા જાહેર પરિવહન માધ્યમથી મુસાફરી કરવાનો નિર્ણય લીધો છે. આ પગલાને સરકારની કિફાયત અને ઈંધણ બચતની નીતિને આગળ વધારતું મહત્વપૂર્ણ સંકેત માનવામાં આવી રહ્યું છે.

રાજ્યપાલના આ નિર્ણયથી સરકારી ખર્ચ ઘટાડવા અને જાહેર પરિવહનને પ્રોત્સાહન આપવાનો સ્પષ્ટ સંદેશ આપવામાં આવ્યો છે. વડાપ્રધાન નરેન્દ્ર મોદીની ઈંધણ બચત અપીલ બાદ દેશમાં અનેક જગ્યાએ આવા પગલાં જોવા મળી રહ્યા છે.

હવે ચર્ચા એ પણ છે કે શું અન્ય મુખ્યમંત્રી અને મંત્રીઓ પણ આવી સરકારી સુવિધાઓ છોડીને જાહેર પરિવહન અપનાવશે કે નહીં. રાજ્યપાલના આ નિર્ણયને જનતા વચ્ચે એક સકારાત્મક ઉદાહરણ તરીકે જોવામાં આવી રહ્યો છે.