અમદાવાદ શહેરમાં ડિજિટલ છેતરપિંડીના કિસ્સાઓ ચિંતાજનક રીતે વધી રહ્યા છે. હેકર્સ હવે માત્ર સામાન્ય લોકોને જ નહીં, પરંતુ ટેકનિકલ જાણકારી ધરાવતા પ્રોફેશનલ્સને પણ લક્ષ્ય બનાવી રહ્યા છે. તાજેતરમાં નિકોલ વિસ્તારમાં રહેતા અને વટવા GIDCની ખાનગી કંપનીમાં એકાઉન્ટન્ટ તરીકે ફરજ બજાવતા 50 વર્ષીય વિપુલ પટેલ સાથે 10.70 લાખ રૂપિયાની ભયાનક છેતરપિંડી સામે આવી છે.

વોટ્સઅપ હેક કરી લૂંટ: શેઠના નામનો ભરોસો ગત 19 ફેબ્રુઆરીના રોજ વિપુલભાઈ ઓફિસમાં કામ કરી રહ્યા હતા ત્યારે તેમના શેઠ જયંતિભાઈના મોબાઈલ નંબર પરથી વોટ્સઅપમાં ‘RTO E challan.apk’ નામની ફાઈલ આવી. શંકા વિના ફાઈલ ડાઉનલોડ કરવાથી તેમણે પોતાના મોબાઈલમાં છેતરપિંડી માટે રસ્તો ખોલી દીધો.

મોબાઈલનો રિમોટ કંટ્રોલ ચોરીવાયો ફાઈલ ખોલતાં જ ઠગોએ રિમોટ એક્સેસ મેળવી લીધો. વિપુલભાઈના મોબાઈલની તમામ પ્રવૃત્તિઓ હેકર્સ જોઈ શકે એવા બન્યા અને તેમના ઇન્ટરનેટ બેન્કિંગના લોગિન-પાસવર્ડ ચોરી લીધા.

લોન મંજૂર કરી લાખો રૂપિયા ઉડાવ્યા ઠગોએ 20 ફેબ્રુઆરીના રોજ વિપુલભાઈના બેન્ક ખાતામાં 5.31 લાખની ઇન્સ્ટા જમ્બો લોન અને 4.50 લાખની બીજી લોન મંજૂર કરાવી, કુલ 10.70 લાખ રૂપિયા અલગ-અલગ ખાતાઓમાં ટ્રાન્સફર કરી દીધા.

સાયબર ક્રાઈમ અને સાવચેતી ઘટનાના પગલે વિપુલભાઈએ તરત જ 1930 પર કોલ કરીને સાયબર ક્રાઇમમાં ફરિયાદ નોંધાવી. નિષ્ણાંતો ચેતવણી આપે છે કે અજાણી વ્યક્તિ કે નજીકના નંબર પરથી આવેલ APK ફાઈલ ક્યારેય ડાઉનલોડ ન કરો, કેમકે તે તમારા મોબાઈલને હેકર્સના કંટ્રોલમાં આપી શકે છે, અને આર્થિક તેમજ અંગત માહિતી જોખમમાં મૂકે છે. આ ઘટનાએ ફરીથી સાબિત કર્યું કે સાવચેતી, જાણકારી અને ટકાઉ પાસવર્ડ સહિતના સાયબર સિક્યુરિટી પગલાં આપણને મોટી છેતરપિંડીથી બચાવી શકે છે.