બેઇજિંગ: ચીનના રાષ્ટ્રપતિ Xi Jinpingએ અમેરિકાના રાષ્ટ્રપતિ Donald Trumpને તાઇવાન મુદ્દે સ્પષ્ટ ચેતવણી આપતા કહ્યું છે કે જો આ મુદ્દાને યોગ્ય રીતે હેન્ડલ નહીં કરવામાં આવે તો ચીન અને અમેરિકા વચ્ચે ટકરાવની સ્થિતિ સર્જાઈ શકે છે.

ચીની મીડિયા રિપોર્ટ મુજબ, શી જિનપિંગે જણાવ્યું હતું કે તાઇવાન મુદ્દો ચીન-અમેરિકા સંબંધોમાં સૌથી સંવેદનશીલ વિષય છે અને બંને દેશો માટે તાઇવાન સ્ટ્રેટમાં શાંતિ જાળવવી અત્યંત જરૂરી છે.

બીજી તરફ, ટ્રમ્પ અને શી જિનપિંગે બેઇજિંગમાં થયેલી બેઠક દરમિયાન મધ્ય પૂર્વ, યુક્રેન યુદ્ધ અને ઉત્તર કોરિયા જેવા મુદ્દાઓ પર પણ ચર્ચા કરી હતી.

ઉલ્લેખનીય છે કે ચીન ઈરાનનો નજીકનો સહયોગી અને ઈરાની તેલનો સૌથી મોટો ખરીદદાર માનવામાં આવે છે, જેના કારણે મધ્ય પૂર્વના મુદ્દે પણ ચીન સક્રિય ભૂમિકા ભજવી રહ્યું છે.