અમેરિકા: કેલિફોર્નિયામાં એક એરોસ્પેસ મેન્યુફેક્ચરિંગ પ્લાન્ટમાં રાસાયણિક લીક બાદ લગભગ 40,000 લોકોને વિસ્તાર ખાલી કરવાની આદેશ આપવામાં આવ્યો છે. અધિકારીઓએ સંભાવિત વિસ્ફોટ અને ઝેરી ગેસ ફેલાવાની આશંકા વ્યક્ત કરી છે.

ગાર્ડન ગ્રોવ પ્લાન્ટમાં લીકની શરૂઆત

આ ઘટના ઓરેન્જ કાઉન્ટીના ગાર્ડન ગ્રોવ શહેરમાં ગુરુવારે બપોરે શરૂ થઈ હતી. અહીં એરોસ્પેસ કંપની GKN Aerospaceના પ્લાન્ટમાં આવેલા અત્યંત જોખમી મિથાઇલ મેથાક્રિલેટથી ભરેલા ટાંકીમાંથી ગેસ લીક થવા લાગી હતી.

કૂલિંગ સિસ્ટમ ફેલ થવાથી સ્થિતિ ગંભીર

અધિકારીઓના જણાવ્યા મુજબ ત્રણ સ્ટોરેજ ટાંકીમાંથી એકની કૂલિંગ સિસ્ટમ ફેલ થતાં રાસાયણિક પદાર્થ વધુ ગરમ થઈ ગયો અને જોખમી વાયુઓ બહાર આવવા લાગ્યા. આ કારણે પરિસ્થિતિ ઝડપથી ગંભીર બની ગઈ હતી.

વિસ્ફોટ અને ઝેરી ગેસ ફેલાવાની આશંકા

ફાયર વિભાગે ચેતવણી આપી છે કે 34,000 ગેલન રાસાયણિક ભરેલી ટાંકીમાં 6,000 થી 7,000 ગેલન ઝેરી પદાર્થ ફેલાઈ શકે છે અથવા મોટો વિસ્ફોટ થઈ શકે છે. નજીકના અન્ય ટાંકી પણ જોખમમાં છે.

હજારો લોકોનું સ્થળાંતર અને એલર્ટ

પરિસ્થિતિ બગડતા ગાર્ડન ગ્રોવ અને આસપાસના વિસ્તારોમાં હજારો લોકોને બહાર કાઢવામાં આવ્યા છે. અનેક શાળાઓ બંધ કરવામાં આવી છે અને ઈમરજન્સી સેવાઓને હાઈ એલર્ટ પર રાખવામાં આવી છે.

અધિકારીઓનું નિવેદન અને હાલની સ્થિતિ

ઓરેન્જ કાઉન્ટી ફાયર ઓથોરિટી ચીફ ક્રેગ કોવે મુજબ ટાંકી ક્યારે ફેલ થશે તે સ્પષ્ટ નથી, પરંતુ જોખમ સતત રહે છે. સદભાગ્યે અત્યાર સુધી કોઈ ઈજા કે મૃત્યુ નોંધાયા નથી.