વડોદરા વડોદરા નજીક નેશનલ હાઈવે નં-48 પર કાલે રાત્રે એક ભયાનક અકસ્માત સર્જાયો હતો. અતિઝડપે દોડતી કારનો ચાલકે કાબૂ ગુમાવતા કાર ડિવાઈડર કૂદીને સામેની સાઈડ પર જઈ ટ્રક સાથે અથડાઈ હતી.

અકસ્માત એટલો ગંભીર હતો કે કારમાં સવાર 5 મિત્રોમાંથી 4 લોકોના ઘટના સ્થળે જ મોત નિપજ્યા હતા, જ્યારે એકને ગંભીર ઈજાઓ પહોંચતા હોસ્પિટલ ખાતે ખસેડવામાં આવ્યો છે.

મૃતકો સુરતના વરાછા વિસ્તારમાં રહેતા હોવાનું સામે આવ્યું છે. તેઓ ભાવનગર જિલ્લાના ભગુડા ગામ ખાતે આવેલા મોગલ ધામના મંદિરે દર્શન કરીને પરત ફરી રહ્યા હતા.

અકસાન્ત બાદ આસપાસના લોકો તરત જ ઘટના સ્થળે દોડી આવ્યા હતા અને ઈજાગ્રસ્તોને બહાર કાઢવામાં આવ્યા હતા. ઘટના અંગે જાણ થતાં પોલીસ પણ તાત્કાલિક પહોંચી હતી અને અકસ્માત અંગે ગુનો નોંધી તપાસ શરૂ કરી છે.