નવી દિલ્હી: Mansukh Mandaviyaએ આજે દિલ્હી સ્થિત ESIC મેડિકલ કોલેજ અને હોસ્પિટલમાંથી દેશવ્યાપી વાર્ષિક આરોગ્ય તપાસ અભિયાનનો પ્રારંભ કર્યો છે. આ યોજના હેઠળ હવે 40 વર્ષથી વધુ વયના તમામ કામદારોની દર વર્ષે મફત આરોગ્ય તપાસ કરવામાં આવશે.

મંત્રીએ જણાવ્યું કે Employees’ State Insurance Corporation દ્વારા આ પહેલ કામદારો માટે મજબૂત સામાજિક સુરક્ષા કવચ બનાવવા દિશામાં મહત્વપૂર્ણ પગલું છે. દેશભરના કામદારોના આરોગ્યનું સમયસર નિદાન થઈ શકે અને ગંભીર બીમારીઓ અટકાવી શકાય તે હેતુ સાથે આ યોજના શરૂ કરવામાં આવી છે.

સરકારના આંકડા મુજબ છેલ્લા એક દાયકામાં સામાજિક સુરક્ષા કવચ 19% થી વધીને 64% સુધી પહોંચી ગયું છે, જેનાથી લગભગ 94 કરોડ લોકોને લાભ મળી રહ્યો છે. ESIC કવરેજ પણ 7 કરોડથી વધીને હવે લગભગ 15 કરોડ લોકો સુધી પહોંચી ગયું છે.

આ પ્રસંગે મંત્રીએ જણાવ્યું કે લેબર કોડ હેઠળ હવે ગિગ અને પ્લેટફોર્મ વર્કર્સને પણ સામાજિક સુરક્ષા હેઠળ લાવવામાં આવ્યા છે, જે વિશ્વમાં ભારતને આગવી ઓળખ આપે છે.

નવી યોજનામાં આરોગ્ય તપાસ દરમિયાન જો કોઈ બીમારી કે જોખમ સામે આવે તો તેનો નિશુલ્ક સારવાર અને દવાઓ ESIC હોસ્પિટલોમાં આપવામાં આવશે. ઉપરાંત જોખમી કામમાં જોડાયેલા કામદારો અને નાની સંસ્થાઓના કર્મચારીઓને પણ આ યોજના હેઠળ આવરી લેવામાં આવ્યા છે.

આ અભિયાન દેશભરના ESIC કેન્દ્રો સાથે 11 સ્થળોએ એકસાથે લાઈવ જોડાણ દ્વારા શરૂ કરવામાં આવ્યું હતું. આ પહેલને કામદારોના આરોગ્ય અને સુરક્ષા માટે સરકારનું મહત્વપૂર્ણ પગલું ગણાવવામાં આવી રહ્યું છે.