સુરત સુરતમાં થોડા દિવસ પહેલા થયેલી 50 લાખ રૂપિયાની બેંક લૂંટના બનાવમાં હવે ગંભીર બેદરકારી સામે આવી છે.

મળતી માહિતી મુજબ, લૂંટ દરમિયાન બેંકના કર્મચારીઓએ એલાર્મ બટન ત્રણ વખત દબાવ્યું હતું, છતાં એલાર્મ સિસ્ટમ સક્રિય થઈ નહોતી. મહત્વની વાત એ છે કે કર્મચારીઓને એલાર્મ કેવી રીતે ઓપરેટ કરવું તેની પૂરતી જાણકારી નહોતી.

આ બેદરકારીના કારણે લૂંટારૂઓ ધોળા દિવસે બેંકમાંથી અંદાજે 50 લાખ રૂપિયા લૂંટી ફરાર થઈ ગયા હતા. તેઓ જતા સમયે કર્મચારીઓના મોબાઈલ ફોન પણ લઈને ભાગી ગયા હતા.

ઘટનાની જાણ થતા જ પોલીસ તાત્કાલિક સ્થળ પર પહોંચી હતી અને સીસીટીવી ફૂટેજના આધારે તપાસ શરૂ કરી છે. આ કેસમાં પોલીસે 8થી વધુ ટીમો બનાવી તપાસ તેજ કરી છે.