અમરેલી:  રાજુલાના નીંગળા ગામમાં પ્રેમ પ્રકરણને લઈ થયેલી હત્યાના કેસમાં પોલીસે 3 મહિલાઓ સહિત 7 આરોપીઓને ઝડપી પાડ્યા છે, જ્યારે કુલ 9 લોકો સામે ગુનો નોંધાયો છે.

માહિતી મુજબ, પ્રેમ પ્રકરણના કારણે યુવતીના પરિવારજનો દ્વારા પ્રેમી યુવક ભાવેશ ભીલનું અપહરણ કરવામાં આવ્યું હતું. આરોપીઓ યુવકને કારમાં લઈ જઈ રહ્યા હતા ત્યારે તેને છોડાવવા માટે તેની માતા વચ્ચે આવી હતી.

આ દરમિયાન આરોપીઓએ કાર ચડાવી દેતા ભાવેશ ભીલની માતા, 50 વર્ષીય જીતુબેન ભીલનું ઘટનાસ્થળે જ મોત થયું હતું. આ ઘટનાથી વિસ્તારમાં ચકચાર મચી ગઈ હતી.

ઘટનાની જાણ થતા જ પીપાવાવ પોલીસએ કાર્યવાહી હાથ ધરી અને અપહરણ તથા હત્યાનો ગુનો નોંધ્યો હતો. હાલમાં પોલીસે વધુ આરોપીઓની શોધખોળ સાથે તપાસ આગળ ધપાવી રહી છે.