વડોદરા શહેરના માંજલપુર વિસ્તારમાં ચોંકાવનારી ઘટના સામે આવી છે. માંજલપુરના 232 ફાટક પાસે આવેલી માતૃકા રેસીડેન્સીમાં આજે એક યુવાને ૮મી માળેથી ઝંપલાવવાનો પ્રયાસ કર્યો હતો. આ દરમિયાન સમગ્ર વિસ્તારમાં ચિંતા અને અફરાતફરીનો માહોલ સર્જાયો.

મળતી માહિતી મુજબ, માંજલપુર પોલીસ મથકને તાત્કાલિક ઈમરજન્સી કોલ મળતા જ પોલીસ ટીમ તેમજ ફાયર બ્રિગેડ ઘટના સ્થળ પર દોડી ગયા. ટીમ દ્વારા ઝડપી કાર્યવાહી હાથ ધરાઈ અને આત્મહત્યા કરવાનો પ્રયાસ કરી રહેલા યુવાનને સલામત રીતે રેસ્ક્યુ કરવામાં આવ્યો.

પોલીસે બાદમાં આ ઈસમને વધુ પૂછપરછ માટે માંજલપુર પોલીસ મથકે લાવવામાં આવ્યો. પ્રાથમિક તપાસમાં તેના નામ આકાશ રોહિતભાઈ પટેલ (ઉમર આશરે 45 વર્ષ) હોવાનું જાણવા મળ્યું છે. આકાશ રેસીડેન્સી, A/708, 232 ફાટક પાસે રહે છે.

અગમ્ય કારણોસર આકાશ દ્વારા આ પગલું ભરવાનો પ્રયાસ કરવામાં આવ્યો હોવાનું જણાઈ રહ્યું છે. પોલીસ સમગ્ર મામલે વધુ તપાસ હાથ ધરવામાં લાગી છે અને ઘટનાના ચોક્કસ કારણો જાણવા પ્રયત્ન કરી રહી છે.

સ્થાનિક રહેવાસીઓમાં આ બનાવને લઈને ભય અને ચિંતાનો માહોલ જોવા મળ્યો હતો. પોલીસ અને ફાયર વિભાગની ઝડપી કામગીરીના કારણે મોટી દુર્ઘટના ટાળી શકાય છે.