ગુજરાતના 66મા સ્થાપના દિવસના અવસરે વડોદરાના સહજ રંગોળી ગ્રુપે વિશાળ રંગોળી બનાવીને અનોખી ઉજવણી કરી છે.

ઇવા મોલ ખાતે 20 બાય 20 ફૂટની આ રંગોળી 17 કલાકારોએ 5 દિવસની મહેનતથી તૈયાર કરી છે. તેમાં ગુજરાતની પ્રગતિ અને સાંસ્કૃતિક વારસાને સુંદર રીતે દર્શાવવામાં આવ્યો છે.

રંગોળીમાં સ્ટેચ્યુ ઓફ યુનિટી, કચ્છનું રણ, સરદાર સરોવર ડેમ, મોઢેરાનું સૂર્યમંદિર, લક્ષ્મી વિલાસ પેલેસ, ગીરના સિંહો તેમજ ગુજરાતી વાનગીઓ અને વડાપ્રધાન નરેન્દ્ર મોદીની છબીનો સમાવેશ કરવામાં આવ્યો છે.

આ રંગોળી ગુજરાતની અસ્મિતા અને ગૌરવને ઉજાગર કરતી વિશેષ આકર્ષણ બની છે.