સુરત : સુરત શહેરમાં રખડતા શ્વાનનો આતંક દિવસે દિવસે વધતો જઈ રહ્યો છે. શહેરના પલસાણા વિસ્તારમાં આવેલ તાતીથૈયા ગોકુલધામ સોસાયટીમાં ઘરની બહાર રમી રહેલા 6 વર્ષના બાળક પર અચાનક બે શ્વાનોએ હુમલો કરતા વિસ્તારમાં ભયનો માહોલ ફેલાયો હતો.

માહિતી મુજબ બાળક સોસાયટીની બહાર રમી રહ્યો હતો ત્યારે બે શ્વાનોએ તેના પર હુમલો કર્યો હતો. બાળકની બૂમાબૂમ સાંભળી આસપાસના લોકો તાત્કાલિક દોડી આવ્યા હતા અને બાળકને શ્વાનના હુમલામાંથી બચાવ્યો હતો.

આ હુમલામાં બાળકને માથા, કાન, છાતી અને કમરના ભાગે ગંભીર ઇજાઓ પહોંચી હતી. સ્થાનિક લોકોએ બાળકને તાત્કાલિક સારવાર માટે હોસ્પિટલ ખસેડ્યો હતો, જ્યાં તેની સારવાર ચાલી રહી છે.

આ ઘટનાને પગલે સ્થાનિકોમાં ભારે રોષ જોવા મળી રહ્યો છે. રહેવાસીઓએ રખડતા શ્વાનના વધતા આતંક સામે તંત્ર દ્વારા કડક કાર્યવાહી કરવાની માંગ ઉઠાવી છે.