દેવભૂમિ દ્વારકામાં સ્વિમિંગ પૂલમાં ન્હાવા ગયેલો એક 15 વર્ષીય કિશોર અચાનક ડૂબી જવાની ઘટના સામે આવી છે.

કિશોર ડૂબી રહ્યો હતો ત્યારે સ્વિમિંગ પૂલના કર્મચારીઓની નજર પડતાં તેને તાત્કાલિક બહાર કાઢવામાં આવ્યો હતો અને નજીકની હોસ્પિટલમાં લઈ જવામાં આવ્યો હતો. હાલ તેની હાલત ગંભીર હોવાથી તેને જામનગર રિફર કરવામાં આવ્યો છે.

ખંભાળિયા નગરપાલિકા હસ્તક આવેલા ખાનગી સ્વિમિંગ પૂલમાં ધર્મેશ સિંગરખિયા નામનો કિશોર કાલે ન્હાવા ગયો હતો, ત્યારે અચાનક તે પાણીમાં ડૂબવા લાગ્યો હતો.

કર્મચારીઓએ તરત જ બચાવ કામગીરી હાથ ધરીને તેને બહાર કાઢ્યો હતો, પરંતુ તે બેભાન હાલતમાં હતો. તેને તાત્કાલિક હોસ્પિટલ લઈ જવામાં આવ્યો હતો અને ત્યારબાદ તેની ગંભીર સ્થિતિને ધ્યાનમાં રાખીને જામનગર રિફર કરવામાં આવ્યો હતો.

કિશોરના માતા-પિતાને જાણ કરવામાં આવતા તેઓ પણ હોસ્પિટલ પહોંચ્યા હતા.