ઝારખંડ રાજ્યસભાના સભ્ય પરિમલ નથવાણીએ ઝારખંડમાંથી પોતાની ચોથી ટર્મ માટે સ્વતંત્ર ઉમેદવાર તરીકે ઉમેદવારી નોંધાવી છે. આ અવસરને તેમણે ભાવનાત્મક ગણાવ્યો હતો, કારણ કે 2008માં તેમણે ઝારખંડમાંથી રાજ્યસભા સભ્ય તરીકે પોતાની રાજકીય સફર શરૂ કરી હતી અને અત્યાર સુધી બે કાર્યકાળ પૂર્ણ કરી ચૂક્યા છે.

પરિમલ નથવાણીએ જણાવ્યું કે ઝારખંડ તેમની કર્મભૂમિ રહી છે અને અહીંના લોકોની સેવા કરવાની તક મળવી તેમના માટે ગૌરવની બાબત છે. ફરી એકવાર રાજ્યની જનતાની સેવા કરવાનો અવસર મળ્યો તે બદલ તેમણે આભાર વ્યક્ત કર્યો હતો.

તેમણે વડાપ્રધાન નરેન્દ્ર મોદી, ગૃહમંત્રી અમિત શાહ, ભાજપ રાષ્ટ્રીય અધ્યક્ષ સહિત ભાજપ અને NDA ગઠબંધનના વિવિધ નેતાઓ અને સંગઠનોના સમર્થન બદલ આભાર માન્યો હતો. સાથે જ તેમણે અન્ય રાજકીય પક્ષોને પણ ઝારખંડના વિકાસ માટે સહયોગ આપવા અપીલ કરી છે.

તેમણે જણાવ્યું કે ઝારખંડના વિકાસ માટે કામ કરવું તેમની મુખ્ય પ્રાથમિકતા રહેશે અને ફરી એકવાર રાજ્યસભામાં સેવા કરવાનો અવસર મળે તે માટે તેઓ આશાવાદી છે. અંતમાં તેમણે “જોહાર ઝારખંડ” કહી પોતાની ભાવનાઓ વ્યક્ત કરી હતી.