ઓનલાઇન અથવા દુકાનમાં સુંદર સાડી જોઈને ખરીદી લેવી સરળ છે, પરંતુ ઘણીવાર તે પહેર્યા પછી પરિણામ અપેક્ષા મુજબ નથી આવતું. તેનું મુખ્ય કારણ માત્ર સાડી નહીં, પરંતુ શરીરની રચના (બોડી ટાઇપ) મુજબ યોગ્ય ફેબ્રિક અને ડ્રેપિંગ પસંદ ન કરવું છે. યોગ્ય સાડી પસંદ કરવાથી વ્યક્તિગત લુક વધુ આકર્ષક અને સંતુલિત દેખાય છે.

ઓવરગ્લાસ બોડી ટાઇપ ધરાવતી મહિલાઓમાં ખભા અને હિપ્સ લગભગ સમાન હોય છે અને કમર સ્પષ્ટ દેખાય છે. આવી મહિલાઓ માટે શિફોન, જ્યોર્જેટ, ક્રેપ અને હળવા સેટિન જેવી ફ્લોઈ ફેબ્રિક સાડીઓ વધુ યોગ્ય રહે છે. આ ફેબ્રિક શરીરના કુદરતી કર્વ્સને સુંદર રીતે ઉજાગર કરે છે.

પિયર શેપ બોડીમાં ઉપરનો ભાગ નાનો અને હિપ્સ પહોળા હોય છે. આવા શરીર માટે જ્યોર્જેટ, શિફોન અને સોફ્ટ મૈસૂર સિલ્ક સારી પસંદગી છે. ભારે પલ્લૂ, જરી વર્ક અથવા મોટા પ્રિન્ટ્સ ઉપરના ભાગને વધુ સંતુલિત દેખાડવામાં મદદ કરે છે.

એપલ શેપ બોડીમાં મધ્ય ભાગ અને બસ્ટ વિસ્તાર વધુ ભરેલો હોય છે. આવી મહિલાઓ માટે સોફ્ટ તસ્સર સિલ્ક, હળવી કાંજીવરમ અને ક્રેપ ફેબ્રિક યોગ્ય વિકલ્પ છે. ખુલ્લો પલ્લૂ રાખવાથી શરીર વધુ લાંબું અને સંતુલિત દેખાય છે.

રેક્શનગલ બોડી ટાઇપમાં કમર, બસ્ટ અને હિપ્સ લગભગ સમાન પહોળાઈના હોય છે. આવી સ્થિતિમાં ઓર્ગેન્ઝા, ટિશ્યુ સિલ્ક, લિનન અને બનારસી બ્રોકેડ જેવી સાડીઓ શરીરને વધુ કર્વી દેખાવ આપે છે.

ઇન્વર્ટેડ ટ્રાયએંગલ બોડીમાં ખભા પહોળા અને હિપ્સ પાતળા હોય છે. આવા શરીર માટે બનારસી સિલ્ક, રૉ સિલ્ક અને સ્ટ્રક્ચર્ડ કાંજીવરમ સાડીઓ વધુ યોગ્ય છે. સીધો પલ્લૂ સ્ટાઇલ નીચેના ભાગને સંતુલિત દેખાડે છે.

અંતમાં, સાડીની સુંદરતા માત્ર તેના ડિઝાઇનમાં નથી, પરંતુ તે તમારી બોડી ટાઇપ પર કેટલી યોગ્ય રીતે ફિટ થાય છે તેમાં છે. યોગ્ય ફેબ્રિક અને ડ્રેપિંગ પસંદ કરીને કોઈપણ મહિલા આત્મવિશ્વાસ સાથે વધુ આકર્ષક લાગી શકે છે.