Ishan Kishan 7 રન બનાવતાની સાથે જ રચશે ઈતિહાસ, સૂર્યકુમાર યાદવ અને મોહમ્મદ રિઝવાનના રેકોર્ડ જોખમમાં

Ishan Kishan: ભારતનો ન્યુઝીલેન્ડ પ્રવાસ 22 ઓક્ટોબરથી શરૂ થઈ રહ્યો છે. સિરીઝની પહેલી T20 મેચ 22 ઓક્ટોબરે ક્રાઈસ્ટચર્ચના હેગલી ઓવલ સ્ટેડિયમ ખાતે રમાશે. આ મેચમાં ટીમ ઈન્ડિયાના લેફ્ટ બેટ્સમેન ઈશાન કિશન પાસે એક મોટો રેકોર્ડ બનાવવાની તક રહેશે. ઈશાન કિશન હાલમાં શાનદાર ફોર્મમાં છે. તેને તાજેતરની વેસ્ટ ઈન્ડીઝ સિરીઝમાં પણ સારું પ્રદર્શન કર્યું હતું. હવે તે ન્યુઝીલેન્ડ સિરીઝમાં આ પ્રદર્શન જાળવી રાખવાનો પ્રયાસ કરશે.

ઈશાન કિશન સૂર્યકુમાર યાદવનો રેકોર્ડ તોડી શકે છે

ક્રાઈસ્ટચર્ચમાં ગુરુવારે રમાનારી મેચમાં ઈશાન કિશન ઈતિહાસ રચી શકે છે. તે 1 કેલેન્ડર વર્ષમાં ભારતનો સૌથી વધુ T20I રન બનાવનાર ખેલાડી બની શકે છે. તે સૂર્યકુમાર યાદવનો રેકોર્ડ તોડવાથી માત્ર 7 રન દૂર છે. સૂર્યકુમારે 2022 માં 1,164 રન બનાવ્યા હતા, જ્યારે ઈશાને આ વર્ષે અત્યાર સુધીમાં 34 ઈનિંગમાં 1,158 રન બનાવ્યા છે. આ સમયગાળા દરમિયાન તેની એવરેજ 37.35 છે અને તેનો સ્ટ્રાઈક રેટ 172.06 છે, જેમાં 1 સદી અને 7 અડધી સદીનો સમાવેશ થાય છે.

મોહમ્મદ રિઝવાનનો રેકોર્ડ તોડવાથી ઈશાન કિશન કેટલું દૂર છે?

ઈશાન કિશન બીજો એક મોટો રેકોર્ડ તોડવાની ખૂબ નજીક છે. પૂર્ણ સભ્ય ટીમોમાં એક વર્ષમાં બેટ્સમેન દ્વારા સૌથી વધુ T20 ઈન્ટરનેશનલ રન બનાવવાનો રેકોર્ડ હાલમાં પાકિસ્તાનના મોહમ્મદ રિઝવાનના નામે છે, જેણે 2021 માં 1,326 રન બનાવ્યા હતા. ઈશાનને આ રેકોર્ડ તોડવા માટે વધુ 139 રનની જરૂર છે. જો તે ન્યુઝીલેન્ડ સામેની મેચોમાં સારું પ્રદર્શન કરે છે, તો તે આ મહત્વપૂર્ણ રેકોર્ડ પણ હાંસલ કરી શકે છે. હવે જોવાનું એ છે કે ઈશાન આગામી સિરીઝમાં કેવું પ્રદર્શન કરે છે.

ઈશાન કિશને આ વર્ષે 49 T20 મેચોમાં 1760 રન બનાવ્યા છે, જેની એવરેજ 38.26 છે અને તેનો સ્ટ્રાઈક રેટ 175 થી વધુ છે. તે એક કેલેન્ડર વર્ષમાં 2000 T20 રન બનાવનાર પ્રથમ ભારતીય બેટ્સમેન બનવાની ખૂબ નજીક છે અને આ સિદ્ધિ સુધી પહોંચવા માટે તેને ફક્ત 240 રનની જરૂર છે.

અત્યાર સુધી, ફક્ત વેસ્ટ ઇન્ડીઝના નિકોલસ પૂરન અને પાકિસ્તાનના મોહમ્મદ રિઝવાન જ આ સિદ્ધિ મેળવી શક્યા છે. પૂરને 2024 માં T20 માં 2331 રન બનાવ્યા હતા, જ્યારે રિઝવાને 2021 માં 2036 રન બનાવ્યા હતા.

આ પણ વાંચો: Kabaddi Championship 2026: 23 ઓક્ટોબરથી અમદાવાદમાં યોજાશે પ્રથમ કોમનવેલ્થ કબડ્ડી ચેમ્પિયનશિપ