Team Indiaએ ન્યૂઝીલેન્ડ પ્રવાસની કરી ઐતિહાસિક શરૂઆત, T20Iમાં પહેલી વખત 226 રનનો ટાર્ગેટ કર્યો ચેઝ

Team India: ભારતીય ટીમે પોતાના ન્યૂઝીલેન્ડ પ્રવાસની ઐતિહાસિક જીત સાથે શરૂઆત કરી છે, જેમાં ટીમ ઈન્ડિયાએ T20 ઈન્ટરનેશનલમાં પોતાનો સૌથી સફળ રન ચેઝનો પીછો કર્યો છે. ક્રાઈસ્ટચર્ચ સ્ટેડિયમ ખાતે ભારત અને ન્યૂઝીલેન્ડ વચ્ચે રમાયેલી 5 મેચની T20 સિરીઝની પહેલી મેચમાં ટોસ હાર્યા બાદ યજમાન કિવી ટીમે પ્રથમ બેટિંગ કરી અને 20 ઓવરમાં 4 વિકેટ ગુમાવીને 225 રન બનાવ્યા.

આ પછી ટાર્ગેટનો પીછો કરતી ટીમ ઈન્ડિયાએ 19.4 ઓવરમાં 6 વિકેટ ગુમાવીને મેચ જીતી લીધી અને સિરીઝમાં 1-0ની લીડ મેળવી. પ્રથમ વખત ટીમ ઈન્ડિયા T20 ઈન્ટરનેશનલમાં 210 કે તેથી વધુ રનના ટાર્ગેટનો સફળતાપૂર્વક પીછો કરવામાં સફળ રહી છે.

અભિષેક-સેમસનની જોડીએ કરી ધમાકેદાર શરૂઆત

જ્યારે ભારતને ન્યૂઝીલેન્ડ સામે પ્રથમ T20Iમાં 226 રનનો ટાર્ગેટ આપવામાં આવ્યો હતો, ત્યારે બધાની નજર અભિષેક શર્મા અને સંજુ સેમસનની ઓપનિંગ જોડી પર હતી. તેમને ટીમને ઝડપી શરૂઆત આપી, 93 રનની ઓપનિંગ પાર્ટનરશીપ સાથે જીતનો પાયો નાખ્યો. અભિષેક શર્મા 12 બોલમાં 29 રન બનાવીને આઉટ થયો.

ત્રીજા નંબર પર બેટિંગ કરી રહેલા તિલક વર્મા અપેક્ષા મુજબ પ્રદર્શન કરવામાં નિષ્ફળ ગયા. દબાણ હેઠળ સંજુ સેમસન 33 બોલમાં 67 રન બનાવીને આઉટ થયો. તિલક પણ 11 બોલમાં 6 રન બનાવીને આઉટ થયો, જ્યારે ઈશાન કિશન ફક્ત 1 રન બનાવી શક્યો. સારી શરૂઆત પછી ભારતે 122 રનના સ્કોર પર 4 વિકેટ ગુમાવી દીધી.

નમન ધીરે ટીમ ઈન્ડિયાને અપાવી ઐતિહાસિક જીત

ન્યૂઝીલેન્ડની વચ્ચેની ઓવર્સમાં અચાનક વાપસી બાદ ભારતીય કેપ્ટન શ્રેયસ ઐયરે અક્ષર પટેલ સાથે મળીને ઈનિંગને સ્થિર કરી, પાંચમી વિકેટ માટે 24 બોલમાં 45 રનની પાર્ટનરશીપ કરી. અક્ષર પટેલે 14 બોલમાં 24 રન બનાવ્યા બાદ પોતાની વિકેટ ગુમાવી દીધી. ત્યારબાદ બેટિંગ કરવા આવેલા યુવાન નમન ધીરે બેટિંગથી પોતાની પ્રતિભા દર્શાવી અને એક છેડેથી ઝડપથી રન બનાવીને દબાણ ઓછું કર્યું.

કેપ્ટન શ્રેયસ ઐયરે 42 રન બનાવ્યા પછી નમન ધીરે પોતાની જવાબદારી નિભાવી, માત્ર 15 બોલમાં અણનમ 42 રન બનાવીને જીત મેળવી. તેને 5 ચોગ્ગા અને 2 છગ્ગા પણ ફટકાર્યા. બંને ટીમ વચ્ચે સિરીઝની બીજી મેચ 24 ઓક્ટોબરે ક્રાઈસ્ટચર્ચ સ્ટેડિયમ ખાતે રમાશે.

આ પણ વાંચો: Asian Para Gamesમાં ભારતનો વાગ્યો ડંકો, એક જ દિવસમાં 5 ગોલ્ડ સહિત 22 મેડલ, ટોપ 5માં એન્ટ્રી