Vibrant Gujarat 2027: ગુજરાતમાં આગામી વાઇબ્રન્ટ ગુજરાત ગ્લોબલ સમિટ 2027 (VGGS 2027) માટે તૈયારીઓ હવે તેજ બની છે. ગુજરાત સરકાર દ્વારા આજે, 31 ઓગસ્ટે નવી દિલ્હીના ભારત મંડપમ ખાતે સમિટનું Curtain Raiser કાર્યક્રમ યોજવામાં આવી રહ્યો છે. આ કાર્યક્રમ આગામી જાન્યુઆરીમાં યોજાનારી મુખ્ય સમિટ માટે રોકાણકારો અને ઉદ્યોગજગત સાથે સંવાદનું મહત્વપૂર્ણ પ્લેટફોર્મ બનશે.

10થી 12 જાન્યુઆરી 2027 દરમિયાન યોજાશે મુખ્ય સમિટ

આગામી Vibrant Gujarat Global Summit 2027નું આયોજન 10થી 12 જાન્યુઆરી 2027 દરમિયાન કરવામાં આવશે. દિલ્હીનો Curtain Raiser કાર્યક્રમ મુખ્ય સમિટ પહેલાં દેશ-વિદેશના ઉદ્યોગકારો, રોકાણકારો અને નીતિ નિર્માતાઓ સાથે ગુજરાતના વિકાસ અને રોકાણની તકો અંગે સંવાદ શરૂ કરવાનો મહત્વપૂર્ણ તબક્કો છે.

CM ભૂપેન્દ્ર પટેલ ઉદ્યોગપતિઓ સાથે કરશે બેઠક

નવી દિલ્હીના ભારત મંડપમ ખાતે મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવી ઉદ્યોગજગતના અગ્રણીઓ સાથેના સંવાદ સત્રમાં ભાગ લેશે. મુખ્યમંત્રી વિવિધ ક્ષેત્રની અગ્રણી કંપનીઓના પ્રતિનિધિઓ સાથે વન-ટુ-વન બેઠકો પણ કરશે.

મિશન હેડ્સ અને વરિષ્ઠ અધિકારીઓ સાથે પણ સંવાદ

સાંજે નવી દિલ્હીની તાજ પેલેસ ખાતે વિવિધ દેશોના મિશનના વડાઓ તેમજ ભારત સરકારના વરિષ્ઠ અધિકારીઓ સાથે સંવાદ સત્ર યોજાશે. આ બેઠક દ્વારા ગુજરાતમાં આંતરરાષ્ટ્રીય રોકાણ, વેપાર અને સહકારની તકોને વધુ મજબૂત બનાવવાનો પ્રયાસ કરવામાં આવશે.

વિવિધ ક્ષેત્રોમાં રોકાણની તકો પર ફોકસ

Curtain Raiser દરમિયાન ઓટોમોબાઇલ, સેમિકન્ડક્ટર, ગ્રીન એનર્જી, ફાર્મા, ટેક્નોલોજી, ઇન્ફ્રાસ્ટ્રક્ચર, રિન્યુએબલ એનર્જી સહિતના વિવિધ ક્ષેત્રોમાં રોકાણની તકો પર ભાર મૂકવામાં આવશે. Vibrant Gujaratના સત્તાવાર પ્લેટફોર્મ પર પણ ટેક્નોલોજી, ગ્રીન હાઇડ્રોજન, ફાર્મા, સેમિકન્ડક્ટર, EV અને રિન્યુએબલ એનર્જી જેવા ક્ષેત્રોને મહત્વ આપવામાં આવ્યું છે.

🇺🇸🇨🇦 અમેરિકા-કેનેડા પ્રવાસ બાદ મહત્વપૂર્ણ કાર્યક્રમ

CM ભૂપેન્દ્ર પટેલના નેતૃત્વમાં અમેરિકા અને કેનેડાની ઉચ્ચસ્તરીય આંતરરાષ્ટ્રીય પ્રતિનિધિમંડળની મુલાકાત બાદ આ Curtain Raiserનું આયોજન થઈ રહ્યું છે. આ પ્રવાસ દરમિયાન ગુજરાતમાં રોકાણ અને ઉદ્યોગની તકો અંગે વિદેશમાં વસતા ભારતીયો અને ઉદ્યોગકારો સાથે સંવાદ કરવામાં આવ્યો હતો.

આ રીતે દિલ્હીમાં યોજાઈ રહેલો Curtain Raiser VGGS 2027 માટે રોકાણ અને વૈશ્વિક ભાગીદારીનું વાતાવરણ ઊભું કરવાની દિશામાં મહત્વપૂર્ણ પગલું માનવામાં આવી રહ્યું છે.

આ પણ વાંચો : Kajari Teej 2026: ઓમ બિરલા સહિત અનેક નેતાઓએ દેશવાસીઓને પાઠવી શુભેચ્છાઓ, શિવ-પાર્વતીની કૃપાની કરી પ્રાર્થના