Political Meeting: PM મોદી અને CM યોગી વચ્ચે દિલ્હીમાં મહત્વપૂર્ણ બેઠક, ઉત્તર પ્રદેશના મુદ્દાઓ પર ચર્ચા

PM Modi Yogi Adityanath Meeting: વડાપ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથ વચ્ચે દિલ્હીમાં મહત્વપૂર્ણ બેઠક યોજાઈ હતી. મુખ્યમંત્રી યોગી આદિત્યનાથે વડાપ્રધાન મોદીના નિવાસસ્થાને પહોંચીને તેમની સાથે મુલાકાત કરી હતી. બંને નેતાઓ વચ્ચે યોજાયેલી આ બેઠક આશરે 1 કલાક અને 15 મિનિટ સુધી ચાલી હતી, જે હવે પૂર્ણ થઈ ગઈ છે. બેઠક દરમિયાન ઉત્તર પ્રદેશ સાથે જોડાયેલા વિવિધ મહત્વપૂર્ણ મુદ્દાઓ પર ચર્ચા કરવામાં આવી હોવાનું સામે આવ્યું છે.

https://twitter.com/myogiadityanath/status/2103776616338120839

મળતી માહિતી મુજબ, બેઠકમાં રાજ્યના વિકાસ સાથે સંબંધિત મુદ્દાઓ ઉપરાંત અન્ય મહત્વપૂર્ણ બાબતો પર પણ બંને નેતાઓ વચ્ચે વિચાર-વિમર્શ થયો હતો. આગામી સમયમાં રાજ્યને લગતા રાજકીય અને વહીવટી વિષયો અંગે પણ ચર્ચા થઈ હોવાની શક્યતા વ્યક્ત કરવામાં આવી રહી છે. વડાપ્રધાન મોદી અને મુખ્યમંત્રી યોગી વચ્ચેની આ મુલાકાતમાં ઉત્તર પ્રદેશના વિકાસ, રાજ્ય સાથે જોડાયેલા મહત્વના પ્રશ્નો અને અન્ય મુદ્દાઓ અંગે ચર્ચા કરવામાં આવી હોવાનું જણાવાયું છે.