દિનદયાળ ઉપાધ્યાય જયંતીએ PM મોદી ભજન ક્લબિંગમાં જોડાયા, ઢપલી વગાડી ભજનોમાં ઝૂમ્યા

PM Modi Bhajan Clubbing: નવી દિલ્હીના દિનદયાળ ઉપાધ્યાય પાર્ક ખાતે પંડિત દિનદયાળ ઉપાધ્યાયની 110મી જન્મજયંતી નિમિત્તે આયોજિત ખાસ ‘ભજન ક્લબિંગ’ કાર્યક્રમમાં વડાપ્રધાન નરેન્દ્ર મોદી ઉપસ્થિત રહ્યા હતા. કાર્યક્રમ દરમિયાન PM મોદી સામાન્ય લોકો અને યુવાનો વચ્ચે બેસીને ભજનોનો આનંદ લેતા જોવા મળ્યા હતા. આ દરમિયાન વડાપ્રધાન મોદીના હાથમાં ઢપલી જેવા વાદ્ય પણ જોવા મળ્યા હતા. ભજનની રજૂઆત દરમિયાન તેઓ તાલ સાથે હાથ ઊંચા કરી તાળી વગાડતા અને ભક્તિમાં લીન થતા નજરે પડ્યા હતા. કાર્યક્રમમાં વિવિધ ધાર્મિક ભજનોની રજૂઆત કરવામાં આવી હતી.

https://twitter.com/ANI/status/2103489697788104778?ref_src=twsrc%5Etfw%7Ctwcamp%5Etweetembed%7Ctwterm%5E2103489697788104778%7Ctwgr%5E55774ff6d1281dfb01fe9d79846f3a61d3f3e64d%7Ctwcon%5Es1_&ref_url=https%3A%2F%2Fwww.abplive.com%2Fnews%2Findia%2Fprime-minister-narendra-modi-attends-bhajan-clubbing-deen-dayal-upadhyay-park-in-delhi-3193792

કાર્યક્રમનું આયોજન પરંપરાગત ભજન અને આધુનિક કોન્સર્ટ શૈલીના સંયોજન સાથે કરવામાં આવ્યું હતું. લાઇટિંગ અને સંગીત સાથે આયોજિત આ કાર્યક્રમમાં મોટી સંખ્યામાં લોકો ઉપસ્થિત રહ્યા હતા. ભજન કાર્યક્રમ દરમિયાન ભગવાન રામના જયકારા પણ લગાવવામાં આવ્યા હતા. કાર્યક્રમના મંચ પર ‘GenZ Love Modi’ જેવા સ્લોગન પણ જોવા મળ્યા હતા.

https://twitter.com/ians_india/status/2103491147993952544?ref_src=twsrc%5Etfw%7Ctwcamp%5Etweetembed%7Ctwterm%5E2103491147993952544%7Ctwgr%5E55774ff6d1281dfb01fe9d79846f3a61d3f3e64d%7Ctwcon%5Es1_&ref_url=https%3A%2F%2Fwww.abplive.com%2Fnews%2Findia%2Fprime-minister-narendra-modi-attends-bhajan-clubbing-deen-dayal-upadhyay-park-in-delhi-3193792

પંડિત દિનદયાળ ઉપાધ્યાયની 110મી જન્મજયંતી નિમિત્તે આયોજિત આ કાર્યક્રમમાં તેમના જીવન, વિચારો અને રાષ્ટ્રસેવામાં આપેલા યોગદાનને યાદ કરવામાં આવ્યું હતું. અગાઉ આજે જ વડાપ્રધાન મોદીએ દિનદયાળ ઉપાધ્યાયને શ્રદ્ધાંજલિ અર્પણ કરી તેમના ‘અંત્યોદય’ના વિચારોને યાદ કર્યા હતા. આ રીતે દિનદયાળ ઉપાધ્યાય જયંતી નિમિત્તે યોજાયેલા ભજન ક્લબિંગ કાર્યક્રમમાં PM મોદીની હાજરી અને ભજનો દરમિયાન તેમનો સહજ અંદાજ ચર્ચામાં રહ્યો હતો.