PM Modi Birthday: અન્નપૂર્ણા યોજનાનો નવો હપ્તો જાહેર, PM મોદીએ કહ્યું- 'મહિલાઓનો આત્મવિશ્વાસ વધે છે...'

PM Modi Birthday: પ્રધાનમંત્રી નરેન્દ્ર મોદીના 76મા જન્મદિવસ પર પશ્ચિમ બંગાળમાં વીડિયો કોન્ફરન્સિંગ દ્વારા અન્નપૂર્ણા યોજનાનો નવો હપ્તો રજૂ કરવામાં આવ્યો. પીએમ મોદીએ ગુરુવારે કહ્યું કે અન્નપૂર્ણા યોજનાએ બંગાળની માતાઓ અને બહેનોને નવી તાકાત આપી છે. તેમને આ યોજનાનો લાભ લેનારી દરેક મહિલાને અભિનંદન અને શુભેચ્છા પાઠવી. પીએમ મોદીએ કહ્યું કે "આપણી માતાઓ અને બહેનો ઘરમાં ઘણી જવાબદારીઓ નિભાવે છે. નાના અને મોટા અનેક નિર્ણયો વચ્ચે એક મહિલા દરેક રીતે પરિવારની સંભાળ રાખે છે. જ્યારે તેણીને જરૂરી ખર્ચાઓની ચિંતા ઓછી થાય છે, ત્યારે તેનો આત્મવિશ્વાસ વધે છે. અન્નપૂર્ણા યોજના બંગાળની મહિલાઓના આત્મવિશ્વાસને મજબૂત બનાવવાનો એક મહત્વપૂર્ણ પ્રયાસ છે."

1.5 કરોડ મહિલાઓના ખાતામાં પહોંચ્યો1.5 કરોડ મહિલાઓના ખાતામાં પહોંચી

PMએ સમજાવ્યું કે બંગાળની મહિલાઓના બેંક ખાતામાં દર મહિને એક નિશ્ચિત રકમ જમા કરવામાં આવશે, જેના માટે તેમને કોઈને પૂછવાની જરૂર રહેશે નહીં. તેમને કહ્યું કે આ તેમના માટે એક મોટો સપોર્ટ છે.

PM મોદીએ કહ્યું કે "આજે, અન્નપૂર્ણા યોજનાનો ચોથો હપ્તો આશરે 1.5 કરોડ મહિલાઓના ખાતામાં પહોંચી રહ્યો છે, જેનો અર્થ થાય છે 3,000 રૂપિયા દર મહિને. માતા માટે, આ બાળકના શિક્ષણ માટે હોઈ શકે છે. બીજા માટે, તે દવા અથવા અન્ય કોઈ ઘરગથ્થુ જરૂરી વસ્તુઓ ખરીદવા માટેનો ટેકો હોઈ શકે છે. અમારું વિઝન એ છે કે બંગાળની મહિલાઓમાં નિર્ણય લેવાની શક્તિ અને આગળ વધવાની હિંમત બંને હોવી જોઈએ."

કોઈ પણ લાયક મહિલા અન્નપૂર્ણા યોજનાના લાભોથી વંચિત ન રહે: પીએમ મોદી

PM મોદીએ જણાવ્યું હતું કે સરકારનો ધ્યેય એ સુનિશ્ચિત કરવાનો છે કે કોઈ પણ લાયક મહિલા અન્નપૂર્ણા યોજનાના લાભોથી વંચિત ન રહે, અને આ દિશામાં કામ ઝડપથી આગળ વધી રહ્યું છે. તેમને કહ્યું કે "સરકાર બન્યાના થોડા દિવસોમાં જ અન્નપૂર્ણા યોજના પર કામ શરૂ થઈ ગયું. આજે ઘણી મહિલાઓને તેમના બેંક ખાતામાં સીધી નાણાકીય સહાય મળી રહી છે. કોઈ મધ્યસ્થી નથી અને કોઈ 'કટ મની' નથી."

તેમને કહ્યું કે માતાઓ, બહેનો અને પુત્રીઓના જીવન ચક્ર સાથે સંબંધિત દરેક સમસ્યાનું નિરાકરણ ભાજપ સરકારની પ્રાથમિકતા રહી છે. તેમને કહ્યું કે "ગર્ભાવસ્થા દરમિયાન બાળકોને પૌષ્ટિક ખોરાક મળે તે સુનિશ્ચિત કરવા માટે, અમે માતૃ વંદના યોજના શરૂ કરી અને માતાઓના ખાતામાં પૈસા ટ્રાન્સફર કરવાનું શરૂ કર્યું. દીકરીઓને ગર્ભમાં જ મારી ન નાખવા માટે, અમે બેટી બચાવો બેટી પઢાઓ યોજના શરૂ કરી."

જાણો કોને મળે છે આ યોજનાનો લાભ?

વડાપ્રધાનએ કહ્યું, "દીકરીઓ મોટી થાય અને શાળા શરૂ કરે ત્યારે શૌચાલયના અભાવે શાળા છોડી ન જાય તે માટે કરોડો શૌચાલયો બનાવવામાં આવ્યા. દીકરીઓનું શિક્ષણ ચાલુ રહે તે સુનિશ્ચિત કરવા માટે, અમે સુકન્યા સમૃદ્ધિ યોજના હેઠળ નોંધપાત્ર વ્યાજ પૂરું પાડ્યું. અમે દીકરીઓ માટે સૈનિક શાળાઓના દરવાજા ખોલ્યા. અમે વ્યાજમુક્ત મુદ્રા યોજના શરૂ કરી જેથી દીકરીઓ પોતાનો વ્યવસાય શરૂ કરી શકે."

મીડિયા રિપોર્ટ મુજબ પશ્ચિમ બંગાળ સરકારે પીએમ મોદીના 76મા જન્મદિવસ પર DBT દ્વારા અન્નપૂર્ણા યોજના હેઠળ પાત્ર મહિલાઓના બેંક ખાતામાં 3,000 રૂપિયાની નાણાકીય સહાય ટ્રાન્સફર કરી છે. પશ્ચિમ બંગાળ સરકારની અન્નપૂર્ણા યોજના હેઠળ 25 થી 60 વર્ષની વયની મહિલાઓ જે પશ્ચિમ બંગાળની કાયમી રહેવાસી છે તેમને દર મહિને 3,000 રૂપિયા સીધા તેમના બેંક ખાતામાં મળે છે.

આ પણ વાંચો: PM Modi Birthday: 76મા જન્મદિવસ પર પીએમ મોદીને બોલીવુડ સેલિબ્રિટીએ પાઠવી શુભેચ્છા