PM Modi Birthday: 76મા જન્મદિવસ પર પીએમ મોદીને બોલીવુડ સેલિબ્રિટીએ પાઠવી શુભેચ્છા

PM Modi Birthday: પ્રધાનમંત્રી નરેન્દ્ર મોદી આજે 17 સપ્ટેમ્બરના રોજ તેમનો 76મો જન્મદિવસ ઉજવી રહ્યા છે. દેશભરમાંથી તેમને જન્મદિવસની શુભેચ્છાઓ મળી રહી છે. સોશિયલ મીડિયા પર પીએમ મોદીને શુભેચ્છા પાઠવનારા લોકોનું લાંબું લિસ્ટ જોવા મળી રહ્યું છે. ફિલ્મ ઈન્ડસ્ટ્રીના અનેક સ્ટાર્સે પણ પ્રધાનમંત્રીને પોતાની રીતે જન્મદિવસની શુભેચ્છા પાઠવી હતી.

કેટલાકે સેવાની ભાવનાથી દિવસની ઉજવણી કરવાની વાત કરી હતી, જ્યારે અન્ય લોકોએ પીએમ મોદીના સારા સ્વાસ્થ્ય અને લાંબા આયુષ્યની શુભેચ્છા પાઠવી હતી. અક્ષય કુમાર, ચિરંજીવી, શત્રુઘ્ન સિંહા, કંગના રનૌત, અનુપમ ખેર, શિલ્પા શેટ્ટી અને જેકી શ્રોફ સહિત ઘણા કલાકારોએ સોશિયલ મીડિયા પર પોસ્ટ શેર કરી હતી.

અક્ષય કુમારે સેવા કરવાના તેમના સંકલ્પ વિશે વાત કરી

અક્ષય કુમારે પ્રધાનમંત્રી નરેન્દ્ર મોદીને જન્મદિવસની શુભેચ્છા પાઠવતા પોતાની પોસ્ટમાં સેવા પ્રત્યે પ્રતિબદ્ધતા સાથે આ દિવસની ઉજવણી કરવાનું આહ્વાન કર્યું. તેને લખ્યું કે જરૂરિયાતમંદ વ્યક્તિને મદદ કરવી અથવા કોઈના ચહેરા પર સ્મિત લાવવું એ જન્મદિવસની ઉજવણી કરવાની એક સુંદર રીત હોઈ શકે છે. એક્ટરે પીએમ મોદીને જન્મદિવસની શુભેચ્છા પાઠવી અને આશા વ્યક્ત કરી કે તેઓ રાષ્ટ્રને પ્રેરણા આપતા રહેશે.

https://twitter.com/akshaykumar/status/2100427186146889898

ચિરંજીવીએ પીએમ મોદીના શિસ્ત અને સમર્પણની પ્રશંસા કરી

સાઉથ ભારતના દિગ્ગજ એક્ટર ચિરંજીવીએ પણ વડાપ્રધાન મોદીને જન્મદિવસની શુભેચ્છા પાઠવી હતી. તેમના સંદેશમાં તેમને વડાપ્રધાન મોદીની યાત્રાને રાષ્ટ્રની સેવા કરવા માટે દૃઢ નિશ્ચય, શિસ્ત અને પ્રતિબદ્ધતા સાથે જોડી હતી. ચિરંજીવીએ તેમને આવનારા વર્ષો માટે સારા સ્વાસ્થ્ય, ખુશી અને શક્તિની શુભેચ્છા પાઠવી હતી.

https://twitter.com/KChiruTweets/status/2100462121373118680

શત્રુઘ્ન સિંહાએ તેમને જન્મદિવસની શુભેચ્છાઓ પાઠવી

શત્રુઘ્ન સિંહાએ વડાપ્રધાન મોદીને તેમના જન્મદિવસની એક દિવસ પહેલા શુભેચ્છા પાઠવી હતી. તેમને વડા પ્રધાન મોદી સાથેના પોતાના બે ફોટા શેર કર્યા અને સમજાવ્યું કે તેમને તેમની શુભેચ્છાઓ વહેલા પહોંચાડવાનું નક્કી કર્યું છે જેથી બીજા દિવસે આવનારી શુભેચ્છાઓના પૂરમાં તેમનો સંદેશ ખોવાઈ ન જાય. તેમને વડાપ્રધાન મોદીને સારા સ્વાસ્થ્ય, ખુશી, શાંતિ અને લાંબા આયુષ્યની શુભેચ્છા પાઠવી.

https://twitter.com/ShatruganSinha/status/2100114403408630156

કંગના રનૌત સંસ્કૃત શ્લોક સાથે શુભેચ્છા પાઠવી

એક્ટ્રેસ અને સાંસદ કંગના રનૌતે પણ ખાસ રીતે વડાપ્રધાન મોદીને જન્મદિવસની શુભેચ્છા પાઠવી. તેને પોતાના સંદેશની શરૂઆત સંસ્કૃત શ્લોકથી કરી અને તેમના સારા સ્વાસ્થ્ય અને લાંબા આયુષ્યની શુભેચ્છા પાઠવી. કંગનાએ પોતાની પોસ્ટમાં રાષ્ટ્રની સેવા કરવા માટે તેમની શક્તિ માટે પ્રાર્થના પણ કરી. તેને લોકોને વડાપ્રધાનને શુભેચ્છા પાઠવવા માટે "દીવો" પ્રગટાવવા પણ વિનંતી કરી.

https://twitter.com/KanganaTeam/status/2100440346060857360

અનુપમ ખેરે પીએમ મોદી સાથેની તેમની પહેલી મુલાકાતને યાદ કરી

અનુપમ ખેરે પ્રધાનમંત્રી મોદીને જન્મદિવસની શુભેચ્છા પાઠવતા તેમની સાથેની પહેલી મુલાકાતને પણ યાદ કરી. તેમને કહ્યું કે અમદાવાદમાં તેમની મુલાકાત તેમના માટે પ્રેરણાદાયક હતી. તેમના સંદેશમાં એક્ટરે પીએમ મોદીની શિસ્ત, સખત મહેનત અને દેશ પ્રત્યેના સમર્પણનો ઉલ્લેખ કર્યો. તેમને પ્રધાનમંત્રીને સ્વસ્થ અને લાંબા આયુષ્યની શુભેચ્છા પાઠવી.

https://twitter.com/AnupamPKher/status/2100441675869147493

શિલ્પા શેટ્ટીએ ઈન્સ્ટાગ્રામ સ્ટોરી પર શુભેચ્છા પાઠવી

એક્ટ્રેસ શિલ્પા શેટ્ટીએ પણ વડાપ્રધાન નરેન્દ્ર મોદીને જન્મદિવસની શુભેચ્છા પાઠવી હતી. તેને પોતાની ઈન્સ્ટાગ્રામ સ્ટોરી પર વડાપ્રધાન મોદીનો ફોટો શેર કરીને તેમના સારા સ્વાસ્થ્યની કામના કરી હતી. શિલ્પાની આ પોસ્ટ સોશિયલ મીડિયા પર પીએમ મોદી માટે સેલિબ્રિટીઝની શુભેચ્છાઓનો એક ભાગ બની.

જેકી શ્રોફે એક તસવીર સાથે શુભેચ્છા પાઠવી

એક્ટર જેકી શ્રોફે પણ પ્રધાનમંત્રી મોદીને જન્મદિવસની શુભેચ્છા પાઠવી હતી. તેને પોતાની ઈન્સ્ટાગ્રામ સ્ટોરી પર પીએમ મોદી સાથેનો પોતાનો એક ફોટો શેર કર્યો હતો. ફોટામાં બંને હાથ મિલાવતા જોવા મળે છે. જેકી શ્રોફે આ ફોટોનો ઉપયોગ પ્રધાનમંત્રીને તેમના જન્મદિવસની શુભેચ્છા પાઠવવા માટે કર્યો હતો.

https://twitter.com/SirPareshRawal/status/2100423586314064218

પરેશ રાવલે ટ્વિટ કર્યું

એક્ટર પરેશ રાવલે પણ પીએમ મોદીને તેમના જન્મદિવસની શુભેચ્છા પાઠવી હતી, તેમની પોસ્ટમાં લખ્યું હતું કે, 'નરેન્દ્ર મોદીજી માટે લાંબા અને સ્વસ્થ જીવન માટે ભગવાનને પ્રાર્થના.'

આ પણ વાંચો: The Vvaan: સિદ્ધાર્થ મલ્હોત્રા અને તમન્ના ભાટિયાની ફિલ્મ 'ધ વન'નું ટ્રેલર રિલીઝ, જુઓ VIDEO