NaMo Airport: જેવર એરપોર્ટનું નામ હવે ‘નરેન્દ્ર મોદી ઇન્ટરનેશનલ એરપોર્ટ’ રહેશે, CM યોગીનો મોટો નિર્ણય

Jewar Airport Renamed Narendra Modi: ઉત્તર પ્રદેશના ગૌતમબુદ્ધ નગર સ્થિત જેવર એરપોર્ટનું નામ હવે વડાપ્રધાન નરેન્દ્ર મોદીના નામ પરથી રાખવામાં આવશે. ઉત્તર પ્રદેશના મુખ્યમંત્રી યોગી આદિત્યનાથે લખનઉમાં કેબિનેટ બેઠક બાદ યોજાયેલી પત્રકાર પરિષદમાં આ જાહેરાત કરી હતી. તેમણે જણાવ્યું કે રાજ્ય કેબિનેટે જેવર એરપોર્ટનું નામ બદલીને ‘નરેન્દ્ર મોદી ઇન્ટરનેશનલ એરપોર્ટ’ રાખવાના પ્રસ્તાવને મંજૂરી આપી છે.

https://twitter.com/ians_india/status/2108467314111000643

મુખ્યમંત્રીએ વડાપ્રધાન નરેન્દ્ર મોદીના જાહેર જીવન અને દેશસેવાનાં 25 વર્ષ પૂર્ણ થવા બદલ ઉત્તર પ્રદેશ મંત્રી પરિષદ તરફથી તેમનું અભિવાદન પણ કર્યું હતું. તેમણે કહ્યું કે 7 ઓક્ટોબરનો દિવસ દેશના ઇતિહાસમાં ગૌરવપૂર્ણ અધ્યાય તરીકે નોંધાયો છે. વડાપ્રધાન તરીકે નરેન્દ્ર મોદીની સમર્પિત સેવા યાત્રાનાં 25 વર્ષ પૂર્ણ થવા એ મહત્ત્વપૂર્ણ સિદ્ધિ છે.

‘જનસેવાથી જનકલ્યાણની અનોખી મિસાલ’

સીએમ યોગી આદિત્યનાથે જણાવ્યું કે વડાપ્રધાન નરેન્દ્ર મોદી અને ઉત્તર પ્રદેશ વચ્ચે આત્મીય સંબંધ છે. વર્ષ 2014માં કાશી આવ્યા સમયે વડાપ્રધાને ‘મને માં ગંગાએ બોલાવ્યો છે’ એવું કહ્યું હતું. ત્યારથી કાશી અને માં ગંગા સાથેનો તેમનો સંબંધ વધુ ગાઢ બન્યો છે, જે ઉત્તર પ્રદેશના સર્વાંગી વિકાસનો આધાર બન્યો છે. તેમણે ઉમેર્યું કે ‘સેવા હી સમર્પણ’ અને ‘રાષ્ટ્ર પ્રથમ’ના મંત્ર સાથે વડાપ્રધાને રાષ્ટ્રનિર્માણને પ્રાથમિકતા આપી છે. તેમની 25 વર્ષની યાત્રા જનસેવાથી જનકલ્યાણ અને જનભાગીદારીથી જનવિશ્વાસની અનોખી મિસાલ છે.

2017 બાદ ઉત્તર પ્રદેશમાં વિકાસને વેગ મળ્યાનો દાવો

મુખ્યમંત્રી યોગીએ જણાવ્યું કે વર્ષ 2017 પહેલાં ઉત્તર પ્રદેશ વહીવટી અસ્થિરતા, લોકોમાં અસુરક્ષાની લાગણી અને પાયાની સુવિધાઓના અભાવ જેવી સમસ્યાઓનો સામનો કરી રહ્યું હતું. વડાપ્રધાનની દૂરંદેશીથી પ્રેરણા લઈને રાજ્યમાં શાસનની નવી કાર્યસંસ્કૃતિ અપનાવવામાં આવી છે. તેમના જણાવ્યા અનુસાર, આજે સુશાસન, મજબૂત કાયદો-વ્યવસ્થા, આધુનિક માળખાકીય સુવિધાઓ અને રોકાણને અનુકૂળ વાતાવરણ ઉત્તર પ્રદેશની ઓળખ બન્યાં છે. કેન્દ્ર અને રાજ્ય સરકારના સંયુક્ત પ્રયાસો તથા ‘ટીમ ઇન્ડિયા’ની ભાવનાથી ઉત્તર પ્રદેશ વિકાસના નવા આયામો સ્થાપિત કરી રહ્યું છે. જેવર એરપોર્ટનું નામ બદલવા માટે કેબિનેટની મંજૂરી મળ્યા બાદ હવે આ પ્રસ્તાવને આગળની પ્રક્રિયા મુજબ અમલમાં મૂકવામાં આવશે.