Surat Ravana Dahan: વેસુ VIP રોડ પર 80 ફૂટના રાવણનું દહન, પ્રથમ વખત રિમોટથી કરાયું રાવણદહન
Surat Ravana Dahan
Surat Ravana Dahan: વેસુ VIP રોડ પર 80 ફૂટના રાવણનું દહન, પ્રથમ વખત રિમોટથી કરાયું રાવણદહન
Surat Ravana Dahan
Surat Ravana Dahan: સુરત શહેરમાં દશેરાના પાવન પર્વ નિમિત્તે વેસુના VIP રોડ ખાતે ભવ્ય રાવણદહન કાર્યક્રમનું આયોજન કરવામાં આવ્યું હતું. શ્રી આદર્શ રામલીલા ટ્રસ્ટ દ્વારા આયોજિત આ ઉત્સવમાં 80 ફૂટ ઊંચા રાવણના પૂતળાનું દહન કરવામાં આવ્યું હતું. રાવણની સાથે મેઘનાદ અને કુંભકર્ણના પૂતળાનું પણ દહન કરાયું હતું. આ ભવ્ય કાર્યક્રમને નિહાળવા મોટી સંખ્યામાં નાગરિકો ઉપસ્થિત રહ્યા હતા.
ત્રણેય પૂતળાને આકર્ષક રીતે તૈયાર કરવામાં આવ્યા
આ વર્ષે રાવણદહન કાર્યક્રમમાં વિશેષ આકર્ષણ 80 ફૂટ ઊંચું રાવણનું પૂતળું રહ્યું હતું. તેની સાથે મેઘનાદ અને કુંભકર્ણના 60 ફૂટ ઊંચાં પૂતળાં પણ તૈયાર કરવામાં આવ્યા હતા. ત્રણેય પૂતળાને આકર્ષક રીતે તૈયાર કરવામાં આવ્યા હતા. ખાસ કરીને રાવણના શરીર પર યોદ્ધા જેવું સુરક્ષા કવચ તૈયાર કરવામાં આવ્યું હતું, જે કાર્યક્રમનું એક વિશેષ આકર્ષણ બન્યું હતું.
આ કાર્યક્રમની વિશેષતા એ રહી કે રાવણ, મેઘનાદ અને કુંભકર્ણના વિશાળ પૂતળાં તૈયાર કરવામાં 15 મુસ્લિમ કારીગરોએ મહેનત કરી હતી. આ કારીગરોએ પોતાની કળા અને કુશળતાથી પૂતળાંને ભવ્ય સ્વરૂપ આપ્યું હતું. આ બાબત સામાજિક એકતા અને પરસ્પર સહયોગનું સુંદર ઉદાહરણ બની હતી.
રાવણદહન પહેલા ભવ્ય આતશબાજીનું પણ આયોજન
ટેક્નોલોજીના ઉપયોગ સાથે આ વર્ષે સૌપ્રથમ વખત રિમોટની મદદથી રાવણદહન કરવામાં આવ્યું હતું. પરંપરાગત ઉત્સવમાં આધુનિક ટેક્નોલોજીનો ઉપયોગ કાર્યક્રમનું મુખ્ય આકર્ષણ રહ્યો હતો. રાવણદહન પહેલા ભવ્ય આતશબાજીનું પણ આયોજન કરવામાં આવ્યું હતું.
આકાશમાં રંગબેરંગી ફટાકડાઓની રોશનીથી સમગ્ર વાતાવરણ ઉત્સવમય બની ગયું હતું. દશેરાનો પર્વ અધર્મ પર ધર્મ અને અસત્ય પર સત્યના વિજયનું પ્રતીક છે. સુરતના વેસુ VIP રોડ ખાતે આયોજિત આ ભવ્ય રાવણદહન કાર્યક્રમમાં પરંપરા, કળા અને આધુનિક ટેક્નોલોજીનો અનોખો સમન્વય જોવા મળ્યો હતો.
