DA Hike Demand: દિવાળી પહેલા ગુજરાતના કર્મચારીઓને 3 ટકા DA વધારાની માગ, કર્મચારી મહામંડળની સરકારને રજૂઆત

DA Hike Demand: દિવાળીના તહેવાર પહેલા ગુજરાત રાજ્યના સરકારી કર્મચારીઓને મોંઘવારી ભથ્થા (DA)માં 3 ટકાનો વધારો આપવા માટે કર્મચારી મહામંડળ દ્વારા રાજ્ય સરકાર સમક્ષ રજૂઆત કરવામાં આવી છે. કર્મચારીઓના જુલાઈ 2026થી બાકી મોંઘવારી ભથ્થામાં વધારો જાહેર કરીને તેની એરિયર્સ સહિતની ચુકવણી કરવામાં આવે તેવી માગ કરવામાં આવી છે.

મોંઘવારી ભથ્થામાં વધારો જરૂરી

કેન્દ્ર સરકાર દ્વારા કેન્દ્રીય કર્મચારીઓના મોંઘવારી ભથ્થામાં 3 ટકાનો વધારો કરવામાં આવતાં ગુજરાતના સરકારી કર્મચારીઓમાં પણ સમાન લાભ મેળવવાની માગ ઊઠી છે. કર્મચારી મહામંડળે રાજ્ય સરકારને રજૂઆત કરી છે કે કેન્દ્રના નિર્ણયને ધ્યાનમાં રાખીને ગુજરાતના કર્મચારીઓ માટે પણ વહેલી તકે જાહેરાત કરવામાં આવે. કર્મચારી મહામંડળના જણાવ્યા અનુસાર, મોંઘવારીમાં સતત ફેરફાર થતો હોવાથી કર્મચારીઓને વધતા ખર્ચ સામે રાહત આપવા માટે મોંઘવારી ભથ્થામાં વધારો જરૂરી છે. ખાસ કરીને દિવાળી જેવા મોટા તહેવાર પહેલાં વધારો જાહેર કરવામાં આવે તો કર્મચારીઓને ઘરખર્ચ, ખરીદી અને અન્ય તહેવાર સંબંધિત ખર્ચમાં આર્થિક રાહત મળી શકે છે.

જુલાઈ 2026થી એરિયર્સ ચૂકવવાની માગ

કર્મચારી મહામંડળે માત્ર 3 ટકા મોંઘવારી ભથ્થાની જ નહીં, પરંતુ જુલાઈ 2026થી બાકી રહેતી રકમની એરિયર્સ સાથે ચુકવણી કરવાની પણ માગ કરી છે. જો સરકાર દ્વારા આ અંગે નિર્ણય લેવામાં આવે તો કર્મચારીઓને બાકી રકમ એકસાથે મળવાથી તહેવાર દરમિયાન વધારાની આર્થિક મદદ મળી શકે છે. હાલ કર્મચારી મહામંડળની રજૂઆત બાદ રાજ્ય સરકાર આ અંગે શું નિર્ણય લે છે તેના પર કર્મચારીઓની નજર છે. જોકે, ગુજરાત સરકાર દ્વારા 3 ટકા DA વધારો મંજૂર કરવામાં આવ્યો હોવાની સત્તાવાર જાહેરાત હજુ આ વિગતોમાં જણાવાઈ નથી.

આ પણ વાંચો: Jamnagar News: સગીરાનું ફ્રી ફાયર ગેમથી સંપર્ક કરી કરાયું અપહરણ, આસામમાંથી 24 વર્ષીય આરોપીને ઝડપી લેવાયો