Share Market : શેરબજાર લીલા નિશાનમાં બંધ, સેન્સેક્સમાં 299 પોઈન્ટનો ઉછાળો, નિફ્ટીમાં 0.50%ની તેજી
Share Market
Share Market : શેરબજાર લીલા નિશાનમાં બંધ, સેન્સેક્સમાં 299 પોઈન્ટનો ઉછાળો, નિફ્ટીમાં 0.50%ની તેજી
Share Market
Share Market : ગત દિવસની ઘટાડાની ચાલ બાદ ભારતીય શેરબજારમાં બુધવારના ટ્રેડિંગ સેશનમાં તેજી જોવા મળી હતી. અમેરિકન-ઈરાન વાટાઘાટોની શક્યતા વચ્ચે કાચા તેલના ભાવ પ્રતિ બેરલ આશરે 100 ડોલરની આસપાસ સ્થિર રહેતા બજારના મુખ્ય સૂચકાંકો સેન્સેક્સ અને નિફ્ટીમાં ખરીદી જોવા મળી હતી.
નિફ્ટી મિડકેપમાં 0.70 ટકાનો વધારો
બજાર બંધ થવાના સમયે સેન્સેક્સ 299.17 પોઈન્ટ એટલે કે 0.40 ટકા વધીને 74,828.25ના સ્તરે બંધ થયો હતો. જ્યારે નિફ્ટી-50માં 117.80 પોઈન્ટ એટલે કે 0.50 ટકાનો વધારો નોંધાયો હતો અને તે 23,446.80ના સ્તરે બંધ રહ્યો હતો. વ્યાપક બજારમાં પણ તેજીનો માહોલ રહ્યો હતો. નિફ્ટી મિડકેપમાં 0.70 ટકા અને સ્મોલકેપમાં 0.89 ટકાનો વધારો નોંધાયો હતો. સેક્ટરલ ઈન્ડેક્સમાં નિફ્ટી મેટલ સૌથી વધુ તેજીમાં રહ્યો અને તેમાં 2.4 ટકાનો ઉછાળો આવ્યો હતો. આ ઉપરાંત FMCG, PSU બેન્ક, રિયલ્ટી અને સિમેન્ટ ક્ષેત્રના શેરોમાં પણ એક ટકાથી વધુની તેજી નોંધાઈ હતી.
NTPC, BEL અને ટ્રેન્ટ જેવા શેરોમાં દબાણ
બીજી તરફ, નિફ્ટી ITમાં 0.87 ટકા અને મીડિયા ઇન્ડેક્સમાં 0.50 ટકાનો ઘટાડો નોંધાયો હતો. નિફ્ટી-50માં બજાજ ફાઈનાન્સ, હિંડાલ્કો, ટાટા સ્ટીલ, અપોલો હોસ્પિટલ્સ અને JSW સ્ટીલ ટોપ ગેઇનર્સમાં રહ્યા હતા. જ્યારે HCL ટેક, ટાઇટન, ઇન્ફોસિસ, કોલ ઇન્ડિયા, TCS, વિપ્રો, NTPC, BEL અને ટ્રેન્ટ જેવા શેરોમાં દબાણ જોવા મળ્યું હતું.
વૈશ્વિક ભૌગોલિક-રાજકીય પરિસ્થિતિ અને કાચા તેલના ભાવ વચ્ચે પણ ભારતીય બજારમાં સ્થાનિક આર્થિક વિકાસ અંગેના સકારાત્મક સંકેતોને કારણે ખરીદી જોવા મળી હતી. સપ્ટેમ્બરનો ફ્લેશ PMI અપેક્ષા કરતાં સારો રહેતા ભારતીય અર્થતંત્રની ગતિ મજબૂત હોવાનો સંકેત મળ્યો હતો. મેટલ અને બેન્કિંગ શેરોમાં ખાસ તેજી રહી હતી, જ્યારે IT શેરોમાં નબળાઈને કારણે બજારની એકંદર તેજી ઉપરના સ્તરે મર્યાદિત રહી હતી.
નોંધ - શેરબજાર કે મ્યુચ્યુઅલ ફંડમાં રોકાણ કરતા પહેલા તમારા ફાઈનાન્શિયલ એડવાઈઝરની સલાહ જરૂર લેવી.
