ગાંધીનગર ગુજરાતમાં રાજ્યસભાની ચૂંટણી અંતર્ગત ભાજપના ચારેય ઉમેદવારો બિનહરીફ જાહેર કરવામાં આવ્યા છે. રાજુ શુક્લા, મુકેશ રાઠવા, માનસિંહ પરમાર અને જીતેન્દ્ર કણઝારીયા બિનહરીફ પસંદ થયા છે.

કોંગ્રેસ અને આમ આદમી પાર્ટી (AAP) દ્વારા કોઈ પણ ઉમેદવાર ન ઉતારવામાં આવતા સમગ્ર ચૂંટણી પ્રક્રિયા બિનહરીફ બની ગઈ છે. પરિણામે હવે 18 જૂને યોજાનાર મતદાન પણ રદ કરવામાં આવ્યું છે.

હાલની રાજકીય સ્થિતિ મુજબ ગુજરાત વિધાનસભામાં ભાજપ પાસે 161 ધારાસભ્યો છે, જ્યારે કોંગ્રેસ પાસે 12 અને AAP પાસે 5 ધારાસભ્યો છે. સંખ્યાબળને ધ્યાનમાં રાખીને વિરોધ પક્ષોએ ઉમેદવાર ન ઉતારવાનો નિર્ણય કર્યો હતો.

આ રીતે રાજ્યસભાની તમામ ચાર બેઠકો ભાજપના ખાતામાં જતા પક્ષને મોટી રાજકીય સફળતા મળી છે.