ગુજરાતના મુખ્યમંત્રી Bhupendra Patel એ પોતાના ઘાટલોડિયા મતવિસ્તારમાં કાર્યકર્તાઓ સાથે મળીને પ્રધાનમંત્રી Narendra Modi ના લોકપ્રિય ‘મન કી બાત’ કાર્યક્રમનું શ્રવણ કર્યું હતું. કાર્યક્રમ દરમિયાન કાર્યકર્તાઓમાં ઉત્સાહ અને ઉમંગનો માહોલ જોવા મળ્યો હતો.

કેસર કેરીથી લઈને એસ્ટ્રોનોમી સુધીના મુદ્દાઓ પર ચર્ચા

વડાપ્રધાન નરેન્દ્ર મોદીએ ‘મન કી બાત’ના સંબોધનમાં ગુજરાતની પ્રસિદ્ધ કેસર કેરીથી લઈને એસ્ટ્રોનોમી જેવા વિવિધ વિષયો પર પ્રેરણાદાયી વિચારો વ્યક્ત કર્યા હતા. તેમણે દેશના વિકાસ, નવીનતા અને યુવાનોની ભાગીદારી જેવા મુદ્દાઓ પર પણ માર્ગદર્શન આપ્યું હતું.

કાળઝાળ ગરમીમાં સાવચેતી રાખવા કરી અપીલ

દેશના અનેક વિસ્તારોમાં પડી રહેલી અસહ્ય ગરમીને ધ્યાનમાં રાખીને વડાપ્રધાને નાગરિકોને પોતાની અને પોતાના પરિવારની વિશેષ કાળજી રાખવા અનુરોધ કર્યો હતો. તેમણે ગરમીથી બચવા જરૂરી સાવચેતી અને આરોગ્ય પ્રત્યે જાગૃત રહેવાનો સંદેશ આપ્યો હતો.

મુખ્યમંત્રીએ વડાપ્રધાનના વિચારોને ગણાવ્યા પ્રેરણાદાયી

મુખ્યમંત્રી ભૂપેન્દ્ર પટેલે જણાવ્યું હતું કે ‘મન કી બાત’ માત્ર એક કાર્યક્રમ નહીં પરંતુ સમાજને સકારાત્મક દિશા આપતું જનઆંદોલન છે. વડાપ્રધાન દ્વારા રજૂ કરવામાં આવેલા વિચારો અને સંદેશો સમાજના દરેક વર્ગ માટે પ્રેરણારૂપ છે