Sri lanka Match Tour: શ્રીલંકામાં સિરિઝ પહેલાં ભારત A ટીમમાં મોટો ફેરફાર કરવામાં આવ્યો છે. ઇજાગ્રસ્ત રિયાન પરાગ હવે આ પ્રવાસનો ભાગ રહેશે નહીં અને અનુભવી બેટ્સમેન રુતુરાજ ગાયકવાડ તેની જગ્યાએ રમશે. ભારતીય ક્રિકેટ કંટ્રોલ બોર્ડે (BCCI) ગાયકવાડનો ટીમમાં સમાવેશ કર્યો છે એટલું જ નહીં, પરંતુ તેમને ટીમના ઉપ-કેપ્ટન તરીકે પણ નિયુક્ત કર્યા છે.

ભારત A, શ્રીલંકા A અને અફઘાનિસ્તાન A વચ્ચે ત્રિકોણીય સિરિઝ 9 જૂનથી શ્રીલંકામાં યોજાવવાની છે. આ ટુર્નામેન્ટ યુવા ખેલાડીઓ માટે સાબિત કરવા માટે એક મોટું પ્લેટફોર્મ માનવામાં આવે છે.

આ પ્રવાસ માટે શરૂઆતમાં રિયાન પરાગને ટીમનો વાઇસ-કેપ્ટન બનાવવામાં આવ્યો હતો, પરંતુ IPL 2026માં રાજસ્થાન રોયલ્સ તરફથી રમતી વખતે તેને હેમસ્ટ્રિંગની ઈજા થઈ હતી. ત્યારે પરાગે ટીમની સિઝનની અંતિમ મેચોમાં ભાગ લીધો હતો, પરંતુ હવે, તબીબી ટીમની સલાહને અનુસરીને તેને આરામ અને પુનર્વસનની જરૂર છે.

આ કારણોસર પરાગ શ્રીલંકાનો પ્રવાસ કરી શકશે નહીં. તેમના સ્થાને ઋતુરાજ ગાયકવાડને ટીમમાં સામેલ કરવામાં આવ્યા છે. ડોમેસ્ટિક ક્રિકેટ અને IPLમાં સતત સારું પ્રદર્શન કરનારો ગાયકવાડ હવે ભારત A ટીમના વાઇસ-કેપ્ટન તરીકે પણ સેવા આપશે. પરાગ હાલમાં બેંગલુરુમાં BCCI સેન્ટર ઓફ એકસેલન્સ ખાતે તેની ફિટનેસ પર કામ કરશે, જ્યાં તેની રિકવરી અને રિહેબિલિટેશન પ્રક્રિયા ચાલુ રહેશે.

શ્રીલંકા પ્રવાસ માટે અપડેટ કરેલી ભારત A ટીમઃ તિલક વર્મા (કેપ્ટન), ઋતુરાજ ગાયકવાડ (વાઈસ-કેપ્ટન), પ્રિયાંશ આર્ય, વૈભવ સૂર્યવંશી, આયુષ બદોની, નિશાંત સિંધુ, સૂર્યાંશ શેડગે, પ્રભસિમરન સિંધ (વિકેટકીપર), કુમાર કુશાગ્ર (વિકેટકીપર), કુમાર કુશાગ્ર (વિકેટકીપર), વિપરાજ નિગમ, યશ ઠાકુર, યુદ્ધવીર સિંહ, અંશુલ કંબોજ, અરશદ ખાન અને અનુકૂલ રોય