“500 આપો ને ફોન લઈ જજો!” મોબાઇલ ચોરની ‘ડિસ્કાઉન્ટ ઓફર’નો ઓડિયો વાયરલ

અમદાવાદ: મોબાઇલ ચોરીના ઘણા કિસ્સા તમે સાંભળ્યા હશે, પણ આ કિસ્સો થોડો અલગ છે. અહીં ચોરે મોબાઇલ ચોરી કર્યા પછી માલિક સાથે એવી વાતચીત કરી કે લોકો હસતા હસતા લોટપોટ થઈ ગયા છે.

વાયરલ ઓડિયોમાં ચોર ખુલ્લેઆમ કહે છે,
“ભાઈ, મારું કામ જ મોબાઇલ ચોરવાનું છે. ફોન પાછો જોઈએ તો 1000 રૂપિયા ગુગલ-પે કરી દો, લોકેશન મોકલી દઈશ!”

પણ માલિક પણ જબરદસ્ત નીકળ્યો. તેણે તરત જ પોતાની હાલત વર્ણવી દીધી,
“ભાઈ, અત્યારે મંદી ચાલે છે. માંડ ઘર ચાલે છે, એમાં 1000 ક્યાંથી આપું?”

બસ પછી શું... ચોરનું દિલ પીગળી ગયું!
તેણે તરત જ કહ્યું,
“ચાલો ભાઈ, માનવતાના નાતે 500 આપજો અને ફોન લઈ જજો!”

સોશિયલ મીડિયા પર લોકો હવે આ ચોરને “દિલદાર ચોર” કહી રહ્યા છે. કોઈ લખી રહ્યું છે,
“આ ચોર નથી, ડિસ્કાઉન્ટવાળો સેલ્સમેન છે!”