અરવલ્લી  અરવલ્લી જિલ્લામાં સ્થાનિક સ્વરાજ્યની ચૂંટણીના પ્રચાર દરમિયાન મુખ્યમંત્રી Bhupendra Patelના હેલિકોપ્ટરમાં ટેકનિકલ ખામી સર્જાઈ હોવાનું સામે આવ્યું છે. આ બનાવ સાઠંબા અને બાયડ વિસ્તારમાં તેમના પ્રચાર પ્રવાસ દરમિયાન બન્યો હતો.

માહિતી મુજબ મુખ્યમંત્રી ચૂંટણી પ્રચાર માટે અરવલ્લીના વિવિધ વિસ્તારોની મુલાકાતે પહોંચ્યા હતા. આ દરમિયાન હેલિકોપ્ટરમાં અચાનક ટેકનિકલ સમસ્યા ઉભી થતા પાયલટે સતર્કતા દાખવી સુરક્ષિત રીતે ઉતરાણ કરાવ્યું હતું.

આ ઘટનામાં કોઈપણ પ્રકારની જાનહાનિ કે ઈજા થઈ નથી અને મુખ્યમંત્રી સંપૂર્ણપણે સુરક્ષિત છે. ઘટના બાદ તાત્કાલિક ટેકનિકલ ટીમ દ્વારા હેલિકોપ્ટરની તપાસ હાથ ધરવામાં આવી છે.

આ ઘટનાને કારણે થોડા સમય માટે કાર્યક્રમોમાં ફેરફાર કરવામાં આવ્યો હતો, પરંતુ બાદમાં મુખ્યમંત્રી દ્વારા નિર્ધારિત કાર્યક્રમ મુજબ પ્રચાર કામગીરી આગળ વધારવામાં આવી હતી.