ઘાટલોડિયામાં સતાધાર જંક્શન પર નવો ફોરલેન ફ્લાયઓવર ખુલ્લો, ટ્રાફિક સમસ્યામાં મળશે મોટી રાહત

ગુજરાતના મુખ્યમંત્રી ભૂપેન્દ્રભાઈ પટેલ એ  અમદાવાદના ઘાટલોડિયા વિસ્તારમાં આવેલ સતાધાર જંક્શન ખાતે નવનિર્મિત ફોરલેન ફ્લાયઓવર બ્રિજનું લોકાર્પણ કર્યું હતું. આ પ્રસંગે શહેરી વિકાસ રાજ્યમંત્રી દર્શનાબહેન વાઘેલા સહિતના મહાનુભાવો ઉપસ્થિત રહ્યા હતા.

અમદાવાદ મ્યુનિસિપલ કોર્પોરેશન દ્વારા સ્વર્ણિમ જયંતી મુખ્યમંત્રી શહેરી વિકાસ યોજના હેઠળ તૈયાર કરાયેલ આ આધુનિક ફ્લાયઓવર શહેરના પશ્ચિમ વિસ્તાર માટે મહત્વપૂર્ણ ઈન્ફ્રાસ્ટ્રક્ચર પ્રોજેક્ટ માનવામાં આવે છે. આ બ્રિજ શરૂ થતાં જ સતાધાર જંક્શન પરનો ભારે ટ્રાફિક દબાણ ઘટશે અને વાહનચાલકોને ઝડપી અને સરળ મુસાફરીનો લાભ મળશે.

અધિકારીઓના જણાવ્યા અનુસાર, આ ફ્લાયઓવર દ્વારા ખાસ કરીને ઓફિસ ટાઈમ દરમિયાન થતી ટ્રાફિક જામીની સમસ્યામાં નોંધપાત્ર ઘટાડો થશે. સ્થાનિક નાગરિકો અને વેપારીઓ માટે પણ આ પ્રોજેક્ટ ખૂબ જ લાભદાયી સાબિત થશે.

મુખ્યમંત્રી ભૂપેન્દ્રભાઈ પટેલે જણાવ્યું હતું કે રાજ્ય સરકાર શહેરોના સુવ્યવસ્થિત વિકાસ માટે પ્રતિબદ્ધ છે અને આવા પ્રોજેક્ટ દ્વારા નાગરિકોની સુવિધામાં વધારો કરવામાં આવી રહ્યો છે. આ ફ્લાયઓવર શહેરના વિકાસમાં એક વધુ મહત્વપૂર્ણ પગલું માનવામાં આવી રહ્યું છે.