CBSEએ ધોરણ 12નું પરિણામ જાહેર કર્યું છે. આ વર્ષે કુલ 85.20% વિદ્યાર્થીઓ પાસ થયા છે, જે ગયા વર્ષની તુલનામાં લગભગ 3% ઓછું છે. આ વખતે ઓન-સ્ક્રીન મૂલ્યાંકન સિસ્ટમથી ઉત્તરવહીઓનું મૂલ્યાંકન કરવામાં આવ્યું હતું.

વિદ્યાર્થીઓ પોતાનું પરિણામ cbse.gov.in વેબસાઇટ, SMS સેવા તેમજ DigiLocker અને UMANG એપ પર જોઈ શકે છે. ઈન્ટરનેટ ન ચાલે અથવા સર્વર ડાઉન હોય તો SMS દ્વારા પણ વિષયવાર ગુણ મેળવી શકાય છે.

બોર્ડે ફરી સ્પષ્ટ કર્યું છે કે કોઈ મેરિટ લિસ્ટ કે ટોપર જાહેર કરવામાં આવતો નથી. ઓનલાઈન મળતું સ્કોરકાર્ડ માત્ર પ્રોવિઝનલ રહેશે, મૂળ માર્કશીટ વિદ્યાર્થીઓને શાળામાંથી મળશે.

APAAR ID વગરના વિદ્યાર્થીઓએ નવી ડિજિટલ એકાઉન્ટ બનાવીને પણ પરિણામ અને માર્કશીટ મેળવી શકે છે. APAAR ID લિંક થયેલા વિદ્યાર્થીઓને DigiLockerના ‘Issued Documents’ વિભાગમાં માર્કશીટ ઉપલબ્ધ રહેશે.