રાજકોટ: રાજકોટ મહાનગરપાલિકાના આરોગ્ય વિભાગે મેરેજ સર્ટિફિકેટ માટેની ઑનલાઇન અરજીઓની તપાસ દરમિયાન ચોંકાવનારો ખુલાસો કર્યો છે. વર્ષ 2025થી અત્યાર સુધીમાં કુલ 122 કેસોમાં બાળલગ્ન થયાના મામલા સામે આવ્યા છે.

માહિતી મુજબ, મેરેજ સર્ટિફિકેટ મેળવવા માટે કરવામાં આવેલી અરજીઓમાં ગેરરીતિઓ સામે આવતાં આરોગ્ય વિભાગે તમામ આવા સર્ટિફિકેટ નામંજૂર કર્યા છે.

આ ઘટનાએ સમાજ કલ્યાણ વિભાગની કામગીરી સામે પણ અનેક સવાલ ઉભા કર્યા છે. હાલ સમગ્ર મામલે વધુ તપાસ હાથ ધરવામાં આવી રહી છે.