કોલકત્તા: Mamata Banerjeeએ પશ્ચિમ બંગાળ વિધાનસભા ચૂંટણીના પ્રારંભિક વલણોમાં ભાજપ આગળ હોવા છતાં જીતનો વિશ્વાસ વ્યક્ત કર્યો છે. તેમણે કાર્યકરોને હિંમત ન હારવાની અપીલ કરી અને મતગણતરી કેન્દ્રો પર અડગ રહેવા જણાવ્યું. મમતાએ SIRના બહાને વોટ લૂંટ થતી હોવાનો ગંભીર આરોપ પણ મૂક્યો છે.

મમતાએ કહ્યું કે તેઓ હાલ “વેઈટ એન્ડ વોચ”ની સ્થિતિમાં છે અને અંતિમ રાઉન્ડ સુધી પરિસ્થિતિ બદલાશે. તેમણે દાવો કર્યો કે તેમની પાર્ટી અનેક બેઠકો પર આગળ છે, પરંતુ તે દર્શાવવામાં આવી રહ્યું નથી.

ચૂંટણી પ્રક્રિયા અંગે પ્રશ્નો ઉઠાવતા મમતાએ Election Commission of India પર મનમાની કરવાનો આરોપ મૂક્યો. તેમના મુજબ મતગણતરી ધીમી પાડવામાં આવી રહી છે, મશીનો બંધ છે અને પરિસ્થિતિ પર પૂરતું નિયંત્રણ નથી.

બીજી તરફ, ઉપલબ્ધ વલણો મુજબ Bharatiya Janata Party 293માંથી 191 બેઠકો પર આગળ ચાલી રહી છે, જે બહુમતી માટે જરૂરી આંકડા કરતા ઘણી વધારે છે. જ્યારે All India Trinamool Congress લગભગ 97 બેઠકો પર સીમિત દેખાઈ રહી છે, જે રાજ્યમાં મોટા રાજકીય પરિવર્તનના સંકેત આપે છે.