Shilpa Shinde: ટીવી ઇન્ડસ્ટ્રીની જાણીતી અભિનેત્રી અને 'બિગ બોસ 11'ની વિજેતા શિલ્પા શિંદે ફરી એકવાર વિવાદોમાં આવી છે. તાજેતરમાં એક પોડકાસ્ટ દરમિયાન શિલ્પાએ એવો દાવો કર્યો હતો કે તેમણે વર્ષો પહેલાં પોતાના પ્રોડ્યુસર વિરુદ્ધ સેક્સ્યુઅલ હેરેસમેન્ટની ફરિયાદ નોંધાવી હતી, જે ખોટી હતી. શિલ્પાના આ નિવેદન બાદ સોશિયલ મીડિયા પર ભારે ચર્ચા શરૂ થઈ છે અને અનેક લોકોએ તેમની ટીકા કરી છે.

પોડકાસ્ટમાં શિલ્પાએ જણાવ્યું કે તે સમયે તેમની કેટલીક બાકી ચૂકવણી અટવાઈ ગઈ હતી અને તે મેળવવા માટે તેમણે આ પગલું ભર્યું હતું. આ નિવેદન સામે આવ્યા બાદ પુરુષોના હિત માટે કામ કરતી સંસ્થા NCM India Council for Men Affairsએ મુંબઈ પોલીસને શિલ્પા વિરુદ્ધ કાર્યવાહી કરવાની માંગ કરી છે. સંસ્થાએ કહ્યું કે ખોટી ફરિયાદો કાયદાનો દુરુપયોગ છે અને તેનાથી નિર્દોષ લોકોની પ્રતિષ્ઠાને નુકસાન પહોંચે છે.

અભિનેત્રી હિના ખાને પણ આ મામલે કડક પ્રતિક્રિયા આપી છે. તેમણે સોશિયલ મીડિયા પર લખ્યું કે કોઈ પણ વ્યક્તિએ પોતાના ફાયદા માટે મહિલાઓની સુરક્ષા માટે બનાવાયેલા કાયદાનો ઉપયોગ ન કરવો જોઈએ. તેમના મતે આવા બનાવોથી સાચા પીડિતોની ફરિયાદો પર પણ શંકા થવા લાગે છે.

અભિનેત્રી પૂજા બેદીએ પણ શિલ્પાના નિવેદનની નિંદા કરતાં જણાવ્યું કે ખોટા આરોપો નિર્દોષ લોકોનું જીવન બરબાદ કરી શકે છે અને આવા કેસોમાં કડક સજા થવી જોઈએ.

વિવાદ વધતા શિલ્પા શિંદેએ સોશિયલ મીડિયા પર એક વીડિયો શેર કરીને પોતાનો પક્ષ રજૂ કર્યો હતો. તેમણે કહ્યું કે તે સમયે તેઓ ભારે માનસિક તણાવમાંથી પસાર થઈ રહ્યા હતા અને આત્મહત્યા સુધીનો વિચાર આવ્યો હતો. શિલ્પાના જણાવ્યા મુજબ, તે સમયની પરિસ્થિતિ ખૂબ જ મુશ્કેલ હતી અને તેની સંપૂર્ણ હકીકત માત્ર તેમને અને સંબંધિત વ્યક્તિને જ ખબર છે.

ઉલ્લેખનીય છે કે શિલ્પાએ 2016માં લોકપ્રિય ટીવી શો 'ભાભીજી ઘર પર હૈં' છોડતી વખતે નિર્માતાઓ સામે ગંભીર આરોપો લગાવ્યા હતા. હવે લગભગ નવ વર્ષ બાદ તેઓ ફરી આ જ શો સાથે જોડાઈ છે, પરંતુ તેમના તાજેતરના નિવેદનને કારણે નવો વિવાદ ઊભો થયો છે.
બીગ બોસ 11ની વિજેતા અને ભાભી જી ઘર પર હૈ ની ઍક્ટ્રેસ શિલ્પા સીંદે તેમના એક પૉડકાસ્ટના લીધે વિવાદમાં આવી છે. પૉડકાસ્ટમાં એક્ટ્રેસે સ્વીકાર કર્યું કે તેમણે તેમના પ્રોડ્યુસર વિરુધ્ધ ખોટી સેકશુઅલ હેરેસમેન્ટની ફરિયાદ નોંધાવી હતી. પૉડકાસ્ટ આવતા જ શિલ્પા સીંદે વિરુદ્ધ NGO એક્શન લેવાની માંગ કરી છે. આ ઉપરાંત હિના ખાન, પૂજા બેડી જેવા ઘણા બધા સેલેબ્સે આ એક્ટ્રેસસની આલોચના કરી છે. વિવાદોના વચ્ચે શિલ્પા સીંદે એ કહ્યું કે તે સમયે તે સુસાઇડ કરવાની હતી, પરંતુ હવે તેમણે કોઈ પણ વિવાદથી કોઈ ફેર પડતો નથી.