Share Market Today: આજે બુધવાર 3 જૂને ભારતીય શેર બજારની શરૂઆત સુસ્તી સાથે થઈ છે. પશ્ચિમ એશિયામાં અમેરિકા અને ઈરાન વચ્ચે વધતા ભૂ-રાજનીતિક તણાવ (ભૌગોલિક રાજકીય તણાવ)ની અસર રોકાણકારોની સેન્ટિમેન્ટ પર સ્પષ્ટ જોઈ શકાય છે. તેને કારણે શેર માર્કેટ લાલ નિશાન સાથે ખૂલ્યું હતું.

સેન્સેક્સ: BSEના 30 શેર ધરાવનારો બેન્ચમાર્ક ઈન્ડેક્સ સેન્સેક્સ આજે સવારે (9:30 am) 780 અંક તૂટતા 73,867એ ખૂલ્યો હતો.

નિફ્ટી: નેશનલ પાવર એક્સચેન્જ (NSE) કે નિફ્ટીએ પણ નિરાશ કર્યા છે. 200 પોઇન્ટના ઘટાડા સાથે 23,285એ ખૂલ્યો હતો.

એશિયાઈ બજાર: જાપાનમાં રેકોર્ડ તેજી, હોંગકોંગમાં વેચવાલી
અમેરિકા-ઇરાન વચ્ચે શાંતિ કરાર અંગે હજુ સસ્પેન્સ છે, પરંતુ એશિયાઈ બજારમાં રોકાણકારોને હાલ ચિંતામુક્ત કર્યા છે. જાપાનના શેરબજારમાં ઐતિહાસિક તેજી નોંધાઈ છે. ત્યાં ઇન્ડેક્સ નિક્કેઈ 225 1400 અંકના વધારા સાથે 68,213ને પાર થયો હતો, જે અત્યાર સુધીમાં ઓલટાઇમ હાઈ રેકોર્ડ છે. આ સિવાય ટોપિક્સ ઇન્ડેક્સ પણ 0.93 ટકા મજબૂત થયો હતો.

ડોલર મજબૂત, રૂપિયો કમજોર
દુનિયાના 6 પ્રમુખ ચલણમાં અમેરિકી ડોલરની મજબૂતી દર્શાવતો ડોલર ઇન્ડેક્સ આજે 0.02 ટકા વધીને 99.24ના સ્તરે જોવા મળ્યો હતો. ડોલરની આ મજબૂતીની અસર ભારતીય ચલણ પર પણ પડી હતી, જ્યાં છેલ્લે 2 જૂને રૂપિયો 0.28 ટકાના ઘટાડા સાથે 95.27ના સ્તરે બંધ થયો હતો.