Rupal Palli Mahotsav 2026: આસ્થાનો મહાસાગર, ઘીની નદીઓ અને અઢારે આલમની અનોખી એકતા
ગાંધીનગરના રૂપાલ ગામમાં નવરાત્રિના નવમા નોરતે વરદાયિની માતાની પલ્લી નીકળી હતી. માતાજીના દર્શન માટે મોટી સંખ્યામાં શ્રદ્ધાળુઓ ઉમટી પડ્યા હતા.
ખીજડાના લાકડામાંથી તૈયાર થતી પલ્લીને ફૂલો અને પરંપરાગત સામગ્રીથી શણગારવામાં આવે છે. ગામના વિવિધ સમાજના લોકો પોતાની પરંપરાગત સેવા આપીને પલ્લીની તૈયારીમાં સહભાગી બને છે.
માનતા પૂર્ણ થતાં શ્રદ્ધાળુઓ પલ્લી પર શુદ્ધ ઘી ચઢાવે છે. દૂરદૂરથી ભક્તો ઘીનાં પીપડાં અને વાસણો લઈને માતાજીની પલ્લીમાં જોડાય છે.
પલ્લી ગામની શેરીઓમાંથી પસાર થાય છે ત્યારે ભક્તો ઘીનો અભિષેક કરે છે. મોટી માત્રામાં ઘી રસ્તાઓ પર વહેતું જોવા મળે છે, જે રૂપાલની પલ્લીને અનોખી ઓળખ આપે છે.
લોકવાયકા મુજબ રૂપાલની પલ્લીની પરંપરા પાંડવકાળ સાથે જોડાયેલી છે. વર્ષોથી ચાલી આવતી આ પલ્લી આજે પણ લાખો શ્રદ્ધાળુઓની આસ્થાનું કેન્દ્ર અને ગુજરાતની સમૃદ્ધ સંસ્કૃતિનું પ્રતીક છે.
