ODIમાં ઓપનર તરીકે સૌથી વધુ રન બનાવનાર ખેલાડી

ODI ક્રિકેટમાં ઓપનર તરીકે સૌથી વધુ રન બનાવવાનો રેકોર્ડ ભૂતપૂર્વ ભારતીય બેટ્સમેન સચિન તેંડુલકરના નામે છે. સચિન તેંડુલકરે ઓપનર તરીકે 344 મેચોમાં 340 ઈનિંગમાં 15,310 રન બનાવ્યા હતા, જેની એવરેજ 48.29 હતી. તેને 45 સદી અને 75 અડધી સદી ફટકારી હતી.

શ્રીલંકાનો ભૂતપૂર્વ બેટ્સમેન સનથ જયસૂર્યા આ લિસ્ટમાં બીજા નંબરે છે. તેને ઓપનર તરીકે 388 વનડે રમી હતી, જેમાં 383 ઈનિંગમાં 12,740 રન બનાવ્યા હતા. તેને આ બધા રન 34.61ની એવરેજથી બનાવ્યા હતા, જેમાં 38 સદી અને 66 અડધી સદીનો સમાવેશ થાય છે.

વેસ્ટ ઈન્ડીઝના ભૂતપૂર્વ ઓપનર ક્રિસ ગેઈલ વનડેમાં ત્રીજા નંબરે સૌથી વધુ રન બનાવવાનો રેકોર્ડ ધરાવે છે. તેને 280 વનડેમાં ઓપનિંગ કરીને 39.45 ની એવરેજથી 10,179 રન બનાવ્યા હતા. તેમને 25 સદી અને 53 અડધી સદી ફટકારી હતી.

રોહિત શર્મા ઓપનર તરીકે વનડેમાં સૌથી વધુ રન બનાવનારા બેટ્સમેનોમાં ચોથા નંબરે છે. તેને તાજેતરમાં ઈનિંગની શરૂઆત કરતી વખતે 10,000 રન પૂરા કર્યા છે. તેને 204 મેચમાં 54.83 ની એવરેજથી 10,090 રન બનાવ્યા છે, જેમાં 33 સદી અને 50 અડધી સદીનો સમાવેશ થાય છે.